Neçənci mərtəbədən yuxarı mənzil almaq məsləhət deyil? - CAVAB

Amerikalı tədqiqatçılar uzunmüddətli müşahidələrin nəticələrini təhlil etdikdən sonra gözlənilməz nəticəyə gəliblər: yaşamaq üçün ən əlverişli mərtəbələr – birinci ilə yeddinci mərtəbə arasıdır. Bundan yuxarı mərtəbələrdə yaşamaq isə sağlamlıq üçün potensial təhlükə yarada bilər və bunun bir neçə əsaslı səbəbi var. – bu barədə Lent.az məlumat verir:

Yer maqnit sahəsi yüksəkliklə azalır
Əsas səbəblərdən biri Yer səthindən uzaqlaşdıqca Yer maqnit sahəsinin gücünün azalmasıdır. Mərtəbə nə qədər yüksəkdirsə, təbii maqnit təsiri bir o qədər zəifləyir. Alimlərin fikrincə, bu dəyişikliklər ürək-damar sisteminin fəaliyyətinə mənfi təsir göstərə, immuniteti zəiflədə və sinir sistemində gərginlik yarada bilər.

Elektromaqnit şüalanma yüksək mərtəbələrdə artır
Baxmayaraq ki, məişət texnikası və elektrik naqilləri bütün mərtəbələrdə eyni işləyir, yuxarı mərtəbələrdə yaşayanlar daha çox elektromaqnit dalğalara məruz qalırlar. Dəmir-beton arakəsmələr elektromaqnit dalğaları udaraq onları yaymağa imkan vermir və nəticədə bu dalğalar otaq daxilində yığılır. Bu xüsusilə yeddinci mərtəbədən yuxarıda daha nəzərəçarpacaq dərəcədə artır.

Sağlamlığa təsiri: baş ağrıları, yuxusuzluq, gərginlik
Həkimlərin məlumatına görə, yuxarı mərtəbələrdə yaşayan insanlarda daha tez-tez baş ağrıları, yuxusuzluq, enerji çatışmazlığı və narahatlıq hallarına rast gəlinir. Bəzi hallarda depressiya və miqren diaqnozu da qoyulur. Bundan əlavə, hündürmərtəbəli binalarda hiss olunmasa da, daimi vibrasiyalar olur ki, bu da daxili gərginlik və narahatlıq hissi yarada bilər.

Ekoloji amillər də rol oynayır
Ekoloqların fikrincə, 30 metrdən yüksəkdəki hava (təxminən 8-ci mərtəbə və yuxarı) çirkləndirici maddələrlə daha zəngindir. Bu, xüsusilə yaxınlıqda sənaye müəssisələri yerləşən ərazilərdə daha çox müşahidə olunur. Zərərli hissəciklər havaya qalxaraq yeddinci mərtəbədən yuxarıda toplanır, bu isə uşaqlar, yaşlılar və xroniki xəstəlikləri olanlar üçün xüsusilə təhlükəlidir. Maqnit sahəsi, elektromaqnit fon, vibrasiya və hava çirkliliyi kimi amillər nəzərə alındıqda, çoxmərtəbəli binalarda yaşamaq üçün ən optimal seçim – aşağı və orta mərtəbələrdir. Məhz bu mərtəbələrdə sağlamlıq və rifah üçün daha sabit və təhlükəsiz şərait yaranır.

Telegramda izləyin