Hindistanda 7 ayda 25 kişi ilə evlənən qadın həbs edildi

Hindistanda polis ölkənin müxtəlif ştatlarında yeddi ay ərzində 25 kişi ilə evlənərək onları qarət edən 23 yaşlı Anuradha Pasvanı həbs edib.

Oxu.Az xəbər verir ki, bu barədə "The Times of India" nəşri məlumat yayıb.

Nəşrin məlumatına görə, "evlilik fırıldaqçısı" bəyləri aldatmaq və toydan qısa müddət sonra onların qiymətli əşyalarını oğurlamaq məqsədilə mürəkkəb saxtakarlıq sxemi qurmaqda ittiham olunur.

İşi araşdıran müstəntiqin sözlərinə görə, Anuradha evlənmək üçün saxta sənədlərdən istifadə edib. Toydan sonra bir neçə gün ərinin yanında qalır, daha sonra isə gecə saatlarında qızıl-zinət əşyaları, pul və elektronikaları götürərək evdən qaçırdı.

Onun kimliyi bəylərdən birinin polisə müraciətindən sonra müəyyən edilib.

Telegramda izləyin