Dənizin ortasında inək leşi tapıldı – Görənlər şoka düşdü

Türkiyənin Antalya vilayətinin Manavqat rayonuna bağlı olan Denizkent sahilində qeyri-adi hadisə baş verib.

Sonxeber.az türk mediasına istinadən xəbər verir ki, dənizdə çimmək və piknik etmək üçün sahilə gələn vətəndaşların çoxu ətrafa yayılan pis qoxu səbəbilə ərazini tərk edib. Lakin az sayda istirahətçi dənizə girməyə davam edib.

Yaxınlıqdakı vətəndaşlar qoxunun mənbəyini müəyyənləşdirmək üçün ətrafı yoxladıqda, Denizkent Balıqçı Barınağının yaxınlığındakı qayalıqların üzərində inək leşi olduğunu görüblər. İlkin ehtimallara görə, leş, dənizdən keçən heyvan daşıyan bir gəmidən düşüb və ya öldüyü üçün dənizə atılıb.

Hadisə barədə bələdiyyə orqanlarına məlumat verilib və inək leşinin ərazidən götürülməsi üçün tədbir görülməsi istənilib.

Telegramda izləyin