Dünyanın ilk elektrikli avtomobili 100 yaşında - FOTOlar

Elektrikli avtomobillərin tarixi 100 ildən çoxdur.

Sonxeber.az xarici mediaya istinadən xəbər verir ki, 1909-cu ildə istehsal olunan Baker Electric Coupe modeli bu dövrün nadir nümunələrindən biridir və bu gün də işlək vəziyyətdədir. Hollivud ulduzu Jay Leno-nun kolleksiyasında olan bu avtomobil tək bir şarjla təxminən 128 km məsafə qət edə bilir.

Əvvəllər Nyu-York kimi böyük şəhərlərdə elektrikli avtomobillər geniş yayılmışdı və taksilərin üçdə biri elektriklə işləyirdi. Lakin 1926-cı ildə neft sənayesini dəstəkləyən qanunların qəbulundan sonra elektrikli avtomobillərin bazardan çıxarılması sürətləndi. Bu dövrdə ucuz benzinlə işləyən avtomobillər üstünlük qazandı.

Bu gün elektrikli avtomobillərin inkişafı yeni mərhələdədir, lakin keçmişdəki problemlər, o cümlədən şarj infrastrukturunun məhdudluğu, hələ də aktualdır. ABŞ-da bu sahədə dəstək və müzakirələr davam edir.

Telegramda izləyin