Qədim Çin sərhədlərinin gizli silahı: Müdafiə, yoxsa güc nümayişi?

Çin, Monqolustan və Rusiya ərazilərində 4 min kilometr uzunluğunda nəhəng xəndək və sədlər sistemi mövcud olub.

Oxu.Az xəbər verir ki, bu barədə "New Scientist" portalı məlumat yayıb.

Arxeoloqlar bu qurğuların müdafiə məqsədi daşımadığını, əksinə güc nümayişi və əraziyə nəzarət üçün tikildiyini bildirirlər.

"Böyük xəndək" adlandırılan bu sistem əsasən X-XII əsrlərdə, Tsin sülaləsi (1115-1234) dövründə inşa edilib. Qurğu təxminən 1 metr dərinlikdə və 3 metr enində xəndəklərdən ibarət olub. Qazılan torpaq bir kənara yığılıb, 1-2 metr hündürlüyündə torpaq divar yaradılıb. Bir neçə kilometrdən bir 30 metrlik daş platformalar yerləşdirilib.

Alimlərin fikrincə, bu qədim qurğular Çinin siyasi sərhədlərini müəyyənləşdirmək və idarəetməni möhkəmləndirmək üçün istifadə olunub. Bu da onları sadəcə müdafiə səddi olmaqdan çox, siyasi və inzibati vasitəyə çevirib.

Telegramda izləyin