Azad Agentlik Bakıda keçirilən TikTok Workshop tədbirində iştirak etdi

2025-ci ilin may ayında Bakıda baş tutan TikTok Workshop tədbiri, regionun yaradıcı sahə nümayəndələrini bir araya gətirdi. Tədbirdə 300-dən çox iştirakçı, kontent müəllifləri, müxtəlif agentliklərin nümayəndələri və media sahəsində fəaliyyət göstərən iş adamları yer aldı.

Tədbirdə iştirak edən Azad Agentlik komandası həm rəsmi müzakirələrdə iştirak etdi, həm də yaradıcılarla fərdi şəkildə görüşərək onları maraqlandıran sualları cavablandırdı. Görüş zamanı agentliyin fəaliyyət istiqamətləri, TikTok yayımçılarına təqdim edilən dəstək mexanizmləri və motivasiya proqramları ətraflı şəkildə izah olundu.

Workshop çərçivəsində Azad Agentliyin təsisçisi Azad Nuriyev də çıxış edərək agentliyin yaranma tarixindən, əsas məqsədlərindən və regiondakı fəaliyyəti barədə danışdı. O, yaradıcılarla əməkdaşlıq modelləri, yayımçıların inkişafı üçün qurulmuş sistemlər və yeni strategiyalar barədə iştirakçılarla təcrübəsini bölüşdü. Azad Nuriyev həmçinin qeyd etdi ki, Azad Agentlik təkcə texniki dəstək verməklə kifayətlənmir, eyni zamanda yayımçıların potensialını artırmaq üçün fərdi yanaşma və analitik dəstək təqdim edir.

Tədbir iştirakçıları üçün bu cür açıq və qarşılıqlı fikir mübadiləsinə əsaslanan mühit, sahə üzrə həmrəylik yaratmaq və peşəkar təcrübə paylaşımı baxımından böyük önəm daşıyırdı. Azad Agentlik bu cür təşəbbüslərin bir parçası olaraq, regionda yaradıcıların inkişafına töhfə verməyə davam edir.

Telegramda izləyin