İngiltərədə Roma nəhənginin 2000 illik izi: 48.5 ölçülü çəkmə tapıldı

Britaniyanın şimalında yerləşən qədim Roma qalası Magna (indiki Karvoran) ərazisində aparılan arxeoloji qazıntılar zamanı 2 min illik nəhəng ölçülü dəri çəkmə aşkarlanıb.

Oxu.Az bu barədə "Daily Mail"ə istinadla xəbər verir.

Bildirilir ki, oksigensiz şərait sayəsində yaxşı qorunmuş bu çəkmənin uzunluğu 32 sm-dir - bu, təxminən kişi ölçüsü ilə 48.5-ə uyğundur.

Çəkmə Roma ordusunun Britaniyadakı sərhəd qalalarından birində, su ilə dolmuş dar xəndəyin dibində tapılıb. Bu tip xəndəklər düşmən əsgərlərinin ayağını sındırmaq məqsədilə qurulmuşdu.

Tapıntılar, Roma dövründə ayaqqabıların necə hazırlandığına dair mühüm məlumatlar verir - çəkmənin altlığı çoxqatlı dəridən hazırlanmış, qaytan, tikiş və mıxlarla möhkəmləndirilib.

Tədqiqatçılar bu tapıntının sahibini və o dövrün həyat tərzini araşdırmaq üçün işi davam etdirirlər.

Telegramda izləyin