Paltaryuyan maşından gələn qoxunun qarşısını necə almaq olar?
Paltaryuyan maşının pis qoxmasının qarşısını almağın praktik bir yolu var. Müəyyən aralıqlarla tətbiq olunan sadə üsullar, tamburda yığılan xoşagəlməz qoxuların yaranmasına mane olur. Əlavə bir əməliyyata ehtiyac olmadan, maşının hər yuyulmada təravətli qalmasına kömək edir.
Lent.az xarici mediaya istinadla bildirir ki, qoxunun mənbəyi hiss olunmadan yığılır və maşına hopur. Halbuki bu üsulda etməli olduğunuz tək şey – təbii vasitələrdən istifadə etməkdir. Tətbiqi asan, təsiri isə güclüdür. Paltarların pis qoxusunun qarşısını alarkən, maşının daxili səthində təravəti uzun müddət qoruyur.
Sirkə ilə təmizlik
Ağ sirkə və karbonat – paltaryuyan maşında yığılan yuyucu vasitə qalıqlarını, əhəng qatlarını və pis qoxuları aradan qaldırmaq üçün ən effektiv təbii ikilidir. Boş yuyulma proqramında, tambura 1 stəkan karbonat və yuyucu gözü hissəsinə 2 stəkan ağ sirkə əlavə edərək maşını işə salmaq, maşının içini dərin təmizləyir.
Təmizlik mütəxəssisi Ashley Matuska bu üsulun həm kif, həm də yuyucu qalığını effektiv şəkildə yox etdiyini bildirir. Xüsusilə ayda bir dəfə tətbiq olunması, maşının ömrünü uzatmaqla yanaşı, paltarların da daha təravətli qoxmasına şərait yaradır.
Yuma prosesi bitdikdən sonra qapağın dərhal bağlanması, içəridə nəmin qalmasına və bakteriya yaranmasına zəmin yaradır. Bu isə zamanla pis qoxulara səbəb olur. Yuma sonrası qapağı ən azı 30-45 dəqiqə açıq saxlamaq, daxili səthin qurumasını təmin edir. Xüsusilə rezin kənarlarda qalan rütubətli sahələr – bakteriya və kif yaranmasının ən geniş yayıldığı yerlərdir. Buna görə həm qapağı açıq saxlamaq, həm də rezin kənarları mütəmadi silmək qoxunun qarşısını almaqda çox təsirlidir.
Çay ağacı yağı ilə dezinfeksiya
Antibakterial xüsusiyyətləri ilə tanınan çay ağacı yağı, paltaryuyan maşında yaranan göbələk və bakteriya mənşəli qoxulara qarşı təbii bir həldir. İsti su ilə birlikdə bir neçə damcı çay ağacı yağı əlavə edilərək boş yuyulma aparılması, həm gigiyena yaradır, həm də xoş qoxu buraxır. Bu üsul xüsusilə yuyucu qalığından qaynaqlanan qoxulara qarşı effektivdir. Ancaq uçucu yağların həddindən artıq istifadəsi maşının hissələrinə zərər verə biləcəyindən ölçülü istifadə tövsiyə olunur.
Maşının yuyucu və yumşaldıcı hissələri zamanla qalıq toplayır. Bu sahələri isti su ilə çıxarıb fırçalayaraq təmizləmək, pis qoxuların əsas mənbəyini aradan qaldırır. Eyni şəkildə tambur ətrafındakı rezin kənarlar da mütəmadi silinməlidir. Bu hissələrdə yığılan kir və sabun qalığı zamanla kifə səbəb ola bilər. Sirkə və karbonatla hazırlanan təbii qarışıq bu sahələrdə də təhlükəsiz şəkildə istifadə oluna bilər və maşının ümumi gigiyenasını artırır.
Sonxeber.az
Telegramda izləyin
Şikayətiniz varsa Whatsapp: 077 7125666
Facebookda Paylaş











Günlər sonra piştaxtada gördü, çiy-çiy ağzına atdı - VİDEO
Temperatur enəcək, qar yağacaq - Xəbərdarlıq
Bu ərazilərdə su kəsiləcək - Xəbərdarlıq
Suyun qiyməti ilə bağlı Rəsmi AÇIQLAMA
"Qarabağ"dan acı məğlubiyyət - Yenilənib-Video
"Mobil telefonda bu məlumatları saxlamaq ciddi təhlükə yaradır" - AÇIQLAMA
3 şüşə sudan alınan qiymətə baxın - FOTO
"Ütü yanığı" dizaynlı köynəyin qiyməti dodaq uçuqlatdı
Kosmosda keçən 286 günün "hesabı": NASA astronavtları nə qədər qazanır?
"Regionlarda işçi çatışmazlığının səbəbi təkcə maaş deyil, sosial prestij problemidir" - AÇIQLAMA
"İtimə səhər nehrə yağı ilə çörək verirəm, onu dəyərləndiriəm" - VİDEO
Rəqsanə əməkdar artistlə efirdə BARIŞDI - VİDEO
Bəhlul Mustafazadə zədələnərək meydanı tərk etdi
Hokinq 10 il əvvəl dünyaya xəbərdarlıq etmişdi: Onun sözləri hələ də alimləri narahat edir
Sabah güclü külək əsəcək - Xəbərdarlıq