Uşaqlığından bəri "kor olmaq" istəyən qadın - FOTO

Uşaqlığından bəri "kor ola bilməyin" xəyalını quran Jewel Shuping adlı qadın, bu istəyini reallaşdıra bilmək üçün Kanadaya gedib ona bu məsələdə kömək edə biləcək bir həkim tapır.

Sonxeber.az xəbər verir ki, Amerikanın Şimali Karolina ştatında yaşayan Jewel Shuping adlı qadın, hələ üç yaşında olarkən qaranlıq dəhlizlərdə təkbaşına gəzməyə çalışıb. Altı yaşında olanda isə kor olmaq fikrinin ona rahatlıq verdiyini hiss etdiyini deyən Shuping, uzun müddət günəşə baxmağın gözlərinə zərər verə biləcəyini öyrəndikdən sonra görmə qabiliyyətini itirə bilmək ümidi ilə gözlərini qırpmadan günəşə baxmağa başlayıb.

Bədən bütövlüyünə dair kimlik pozuntusu adlı bir növ psixoloji/nevroloji xəstəlik, fiziki olaraq heç bir əliliyi olmayan insanların, əlil olmaq arzusu duymalarına səbəb olan bir xəstəlikdir.

Əlində ağsaqqal (baston) və tünd rəngli gün eynəkləri ilə yaşamağa başlaması, görmə əngəllilərin istifadə etdiyi Braille əlifbasını öyrənməsi ilə davam edib. Shuping 20 yaşına çatanda Braille əlifbasını sərbəst şəkildə oxuya bilirmiş.

"O dövrdə özümü kormuş kimi aparırdım, amma həqiqətən kor olmaq fikri də arada beynimi məşğul edirdi. 21 yaşımda isə artıq bu fikri beynimdən çıxara bilmirdim," — deyə Shuping "Daily Mail"də yayımlanan xəbərə görə bildirib. 2006-cı ildə bu arzusunu həyata keçirmək üçün ilk addımını atıb; bu məsələdə ona yardım edə biləcək bir həkim taparaq Kanadaya gedib.

Gözlərinə "lavabo açıcı" (kimyəvi maddə) damlatmaqla kor olan qadının bu cəhdi olduqca ağrılı olub. "Gözlərim sanki qışqırırdı, bir tərəfdən də lavabo açıcı yanaqlarımdan süzülərkən dərimi yandırırdı," – deyə bildirib. Xəstəxanadakı digər həkimlər vəziyyətdən xəbər tutduqda qadının gözlərini xilas etmək üçün əllərindən gələni etsələr də, buna nail ola bilməyiblər.

Telegramda izləyin