Yay aylarında sərinləməyin 7 effektiv yolu

Havanın temperaturunun 35-40 dərəcəyə çatdığı isti yay günlərində orqanizmin sərin qalması sağlamlıq baxımından olduqca vacibdir. İstiyə qarşı sadə, amma təsirli üsullarla həm özünüzü rahat hiss edə, həm də enerjinizi yüksək saxlaya bilərsiniz.

Ölkə.az sizə yay aylarında sərinləməyin 7 effektiv yolunu təqdim edir:

1. Bol su için

Susuzluq hiss etməsəniz belə, gündə azı 2-2.5 litr su içməyə çalışın. Su həm bədən temperaturunu tənzimləyir, həm də istilərin yaratdığı halsızlığı azaldır.

2. Yüngül və açıq rəngli geyimlər seçin

Pambıq və kətan kimi nəfəs alan materiallardan istifadə edin. Qara və tünd rənglər günəş şüalarını cəlb etdiyi üçün açıq rəngli paltarlar geyinmək daha məqsədəuyğundur.

3. Qida seçiminizə diqqət yetirin

Ağır yeməklər əvəzinə meyvə, tərəvəz və yüngül salatlar yeyin. Xüsusilə qarpız, xiyar, çiyələk və nanə həm bədəni sərinləşdirir, həm də maye balansını qoruyur.

4. Duş və ayaq vannası

Gündə bir neçə dəfə ilıq su ilə duş almaq və ya ayaqlarınızı soyuq suya salmaq bədən istiliyini sürətlə aşağı salır.

5. Pəncərələri günün doğru vaxtında açın

Səhər və axşam saatlarında evinizi havalandırın, günorta saatlarında isə pəncərələri bağlı saxlayaraq günəşin isti havasının içəri girməsinə mane olun.

6. Elektrikli fan və ya buxarlı spreylərdən istifadə edin

Əl fanları, su buxarı yayan cihazlar və ya sprey şüşəyə su dolduraraq bədəninizə püskürtmək də sürətli sərinlik verir.

7. Günəşdən qorunun

Xüsusilə saat 11:00-16:00 arası birbaşa günəş altında qalmaqdan çəkinin. Günəş eynəyi, papaq və günəşdən qoruyucu kremlər istifadə edin.

Telegramda izləyin