Britaniya kəşfiyyatının yeni rəhbərinin babası "Qəssab" ləqəbli nasist cinayətkar olub

Böyük Britaniyanın MI6 kəşfiyyat xidmətinin yeni rəhbəri Bleyz Metrevelinin əcdadları arasında nasist cinayətkar olub. Bu onun babası Konstantin Dobrovolskidir.

Oxu.Az-ın xəbərinə görə, bu barədə "Daily Mail" nəşri məlumat verib.

Məlumata görə, Konstantin Dobrovolski milliyyətcə ukraynalı olub, Qızıl Ordudan fərarilik edib, "Adolf Hitler Almaniyası üçün casusluq edib və öldürüb". Nəşr bildirib ki, Dobrovolski "Qəssab" ləqəbini daşıyıb.

Nəşrin müəllifi qeyd edib ki, Metreveli babası ilə heç vaxt görüşməsə də, İkinci Dünya müharibəsi zamanı nasistlərlə əlaqədə olması onun qüsursuz reputasiyasına kölgə salır.

"EAD" nəşri, həmçinin MI6-nın yeni rəhbərinin əcdadının nasist keçmişi haqqında məlumat verib, lakin onu başqa şəkildə - David Mixayloviç Metreveli olaraq adlandırıb. Nəşr tarixçi Aleksandr Dyukova istinadən yazıb ki, Metreveli 1942-ci ildə Xarkov yaxınlığında əsir düşüb, daha sonra qafqazəsilli nasist əməkdaşlarına təlim keçib və onlara radiotexnikadan dərs deyib. Xatırladaq ki, Böyük Britaniyanın Baş naziri Kir Starmer MI6 məxfi kəşfiyyat xidmətinin tarixində ilk dəfə bir qadını rəhbər təyin edib. Bleyz Metreveli hazırda MI6-da texnologiyalar və innovasiyalar üzrə baş direktor vəzifəsində çalışır. Bundan əvvəl isə Metreveli MI5-də yüksək vəzifə tutub.

Telegramda izləyin