Özünə bəysiz toy etmişdi, MEYİTİ KOLLUQDAN TAPILDI – FOTO

Türkiyənin Adana bölgəsində ötən il özünə bəysiz toy edərək gündəmə gələn qocalar evinin sakini Sümbül Topbaşın meşəlik ərazidə meyiti tapılıb.

Bizim.Media Türkiyə mətbuatına istinadən xəbər verir ki, 83 yaşlı qadın iki gün əvvəl ərzaq mağazasına getmək üçün qocalar evindən çıxıb və geri qayıtmayıb.

Hadisə yerli vaxtla saat 22:00 radələrində Çukurova rayonu Kurttepe Məhəlləsində baş verib.

Sakinlər Çukurova Dövlət Xəstəxanasının yaxınlığındakı kolluqda hərəkətsiz vəziyyətdə uzanan qadını görüb. Əraziyə polis və təcili tibbi yardım cəlb edilib. Həkimlər tərəfindən aparılan müayinədən sonra qadının öldüyü müəyyən edilib.

Topbaşın bədənində heç bir xəsarət və yara izi aşkarlanmayıb.

Qadının ölüm səbəbi aparılan araşdırmadan sonra müəyyənləşəcək.

Qeyd edək ki, Sümbül Topbaş ötən il keçirilən simvolik toyu ilə gündəmə gəlmişdi.

O, Yüreğir mahalının Köprülü Məhəlləsində tək yaşayıb və gənclik illərində aşiq olduğu insana qovuşa bilmədiyi üçün heç evlənməyib.

Topbaş 2023-cü ildə Seyhan Qocalar Evi Yaşlılara Baxım və Reabilitasiya Mərkəzində məskunlaşıb.

O, yeni dostları və qocalar evinin işçiləri ilə söhbət edərkən heç vaxt evlənmədiyi üçün ağ gəlinlik geyinə bilməməsindən danışıb. İşçilərin müraciətindən sonra Ailə və Sosial Xidmətlər Vilayət Müdirliyi qadının gənclik arzusunu reallaşdırmaq qərarına gəlib. Qurum müxtəlif qeyri-hökumət təşkilatlarının dəstəyi ilə yaşlı qadın üçün toy mərasimi təşkil edib. 82 yaşında ağ gəlinlik geyinən S.Topbaş şadlıq sarayında nağara və zurnanın müşayiəti ilə əylənib.

Telegramda izləyin