Ata üç aylıq oğlunu bir vedrə yuyucu tozda boğdu

Amerikanın Lafayett (İndiana ştatı) şəhərində kişi üç aylıq oğlunu vedrədə yuyucu tozda boğaraq vəhşicəsinə öldürüb.

Lent.az-ın xarici mediaya istinadla məlumatına görə, məişət zorakılığı əlamətləri olan qadın həkimə müraciət edib. Həkimlər polis çağırıblar. Xəstə hüquq-mühafizə orqanlarına bildirib ki, 29 yaşlı əri ona lom və açarla hücum edib, döyüb. Lakin həmin an qadını ən çox səhhəti yox, ərinin üç aylıq oğlunu harasa aparması narahat edib.

Qeyd olunur ki, hüquq-mühafizə orqanlarının əməkdaşları həmin şəxsin evində axtarış aparıb və uşağı tapa bilməyiblər. Atası körpənin yoxa çıxmasında hər hansı əli olduğunu inkar edib və yalnız həyat yoldaşına hücuma görə məsuliyyəti öz üzərinə götürüb.

Ertəsi gün səlahiyyətlilər yenidən evə baxış keçirib və bu dəfə mətbəxdə narıncı vedrə tapıblar. İçərisində ölmüş uşaq tozla suda olub. Yarılma nəticəsində məlum olub ki, körpə sabunlu suya batırıldığı üçün boğularaq ölüb.

Tippekano dairəsi prokurorunun müavini Elis Mediqanın sözlərinə görə, ata daha sonra cinayəti etiraf edib və motivini açıqlayıb.

"Müttəhim arvadına və bütün qadınlara ibrət dərsi vermək istəyib. O, kişilərə hörmətsizlik edə bilməyəcəyinizi göstərmək istəyib", - Mediqan deyib.

Məlumata görə, kişi körpəni öldürmək və həyat yoldaşını öldürməyə cəhddə günahlandırılaraq 92 il müddətinə azadlıqdan məhrum edilib.

Telegramda izləyin