Riyaziyyatdan istifadə edərək 14 dəfə lotereyanı uddu: bunu necə etdi?

Rumıniya əsilli iqtisadçı Stefan Mandel 1990-cı illərdə lotereyada 14 dəfə qalib gəlməyi bacarıb. Halbuki əksər insanlar üçün bir dəfə udmaq belə qeyri-adi uğur sayılır. O, bunu sadə riyaziyyat vasitəsilə və heç bir fırıldaq olmadan bacarıb (baxmayaraq ki, onu fırıldaqda şübhəli bilirdilər).

Lent.az xarici mediaya istinadla bildirir ki, Mandel Rumıniya lotereyalarında qalib gəlməsinə kömək edən bir sistem tapıb. Sonradan bu sistemdən Amerika və Avstraliya lotereyalarında da istifadə edib.

Ümumiyyətlə, lotereyada udmaq şansı çox aşağıdır. Bir bilet ilə "EuroMillions" lotereyasını udmaq şansınız 1-ə 139 838 160-dır. İki bilet alsanız, şansınızı ikiqat artıraraq 2-ə 139 838 160 edirsiniz. Bu cür davam etsəniz, 139 838 160 bilet ilə udmaq şansınız 139 838 160-a 139 838 160 olar – yəni 100%. Lakin bu zaman riyazi problem yerini başqa bir məsələyə – logistikaya verir: hələ cekpotu udmamış bu qədər bileti necə əldə etmək olar?

Amma Mandel bəzi lotereyalarda bütün mümkün kombinasiyaları yazmağın mümkün olduğunun fərqinə varıb və cekpot, bütün biletlərin toplam qiymətindən daha yüksək olub. Beləliklə, bütün biletləri alıb bütün kombinasiyaları əhatə edərək, o, qələbəni özünə təmin etmiş olurdu (yalnız o halda uduş bölünə bilərdi ki, başqa biri də qalib kombinasiyanı tapsın). Və Mandel bu fikri sınamağa qərar verdi.

Problemlər artıq riyazi olmasa da, yenə də kifayət qədər ciddi idi. Əvvəlcə o, bu sxemə sərmayə qoymağa razı olacaq kifayət qədər investor tapmalı idi və bunu bir neçə il ərzində bacardı. Daha sonra isə iştirak etdikləri hər bir lotereyada mövcud olan bütün mümkün kombinasiyaları əldə etməyin yolunu tapmalı oldu. Nəzərə alsaq ki, milyonlarla fərqli kombinasiya daxil etməli olurdular, bu, Mandelin kombinasiyaları yaratmaq və bilet çap etmək üçün xüsusi alqoritmlər hazırlamasını tələb etdi (bəzi lotereyalar həmin dövrdə bu cür biletlərin çapına icazə verirdi).

Biletlər çap olunub tiraj üçün hazır olduqdan sonra növbəti mərhələ – kifayət qədər böyük cekpotun olmasını gözləmək idi. Yalnız bundan sonra komanda bu biletləri mağazalardan alırdı. Lakin hətta bu mərhələdə belə, biletlərin sayının çoxluğunu nəzərə alaraq, hər şey həmişə problemsiz keçmirdi.

Bir dəfə Mandel Virciniya ştatında keçirilən bir lotereya ilə maraqlandı. Bu lotereyada yalnız 1-dən 44-ə qədər olan rəqəmlər oynanılırdı. Bu isə o demək idi ki, cəmi 7 059 052 mümkün kombinasiya var idi. Halbuki, adi lotereyalarda bu rəqəm adətən 25 milyondan çox olur.

Avstraliyadakı bir neçə kiçik lotereyanı uğurla analiz etdikdən sonra Mandel ABŞ-da elə lotereyalar aşkar etdi ki, onların cekpotları bütün mümkün kombinasiyaların alınma xərclərini xeyli üstələyirdi.

Onun xüsusi marağına səbəb olan lotereyalardan biri isə Virciniyada yeni başlamış bir oyun idi. Bu lotereyada yalnız 1-dən 44-ə qədər olan rəqəmlər istifadə olunurdu ki, bu da cəmi 7 059 052 mümkün kombinasiya demək idi. Bu rəqəm isə adi lotereyalardakı 25 milyon və ya daha çox kombinasiyadan xeyli az idi.

Cekpot kifayət qədər yüksəldikdə – 15,5 milyon dollar olduqda, Mandel öz kombinasiyalarını reallaşdırmağa çalışdı, lakin bütün kombinasiyaları almaq mümkün olmadı. İki günlük alış prosesindən sonra Mandelin komandası zəmanətli qalibiyyət üçün lazım olan 7 milyon mümkün kombinasiyadan 6,4 milyonunu əldə edə bildi. Qalib gələn bilet isə həqiqətən Mandel tərəfindən qeydiyyatdan keçirilmişdi.

Lakin bu hadisədən sonra həm Mərkəzi Kəşfiyyat İdarəsi (CIA), həm də Federal Təhqiqatlar Bürosu (FBI) onu araşdırmağa başladı. Buna baxmayaraq, heç bir qanunsuzluq aşkar olunmadı.

Mandelin nə qədər qazandığı dəqiq bilinmir, lakin o, hazırda bir adada yerləşən çimərlik evində yaşayır.

Telegramda izləyin