Kamçatkada ardıcıl güclü zəlzələlər olub, sunami təhlükəsi elan edilib

Rusiyanın Kamçatka diyarında ardıcıl üç zəlzələ baş verib.

Oxu.Az xəbər verir ki, bu barədə Rusiya Fövqəladə Hallar Nazirliyinin Kamçatka diyarı üzrə Baş İdarəsinin Mətbuat Xidməti məlumat yayıb.

Məlumata görə, üç zəlzələdən ən güclüsü 7.6 maqnitudalı olub.

Bildirilir ki, Sakit okean akvatoriyasında baş verən silsilə zəlzələlər fonunda sunami təhlükəsi elan edilib.

Sunami dalğalarının Aleut bələdiyyə dairəsinə, Ust-Kamçatsk bələdiyyə dairəsinə və Petropavlovsk-Kamçatski şəhər dairəsinə yaxınlaşa biləcəyi vurğulanır.

Qeyd olunur ki, Sakit okeanda baş verən zəlzələlərdən biri 13 km dərinlikdə yerləşib, maqnitudası yeddi bal olub. Seysmoloji hadisənin episentri Petropavlovsk-Kamçatski şəhər dairəsindən 167 km şərqdə yerləşir, bəzi ərazilərdə 5 bala qədər hiss olunub.

Digər zəlzələ Petropavlovsk-Kamçatski şəhər dairəsindən 115 km şərqdə, 17 km dərinlikdə qeydə alınıb. Yeraltı təkanın maqnitudasının 7.6 bal olduğu bildirilir. Bəzi ərazilərdə zəlzəlı 7 bala qədər hiss olunub.

Telegramda izləyin