DİQQƏT! Bu halda buzdan zəhərlənə bilərsiniz – Qətiyyən elə etməyin…

Yaz aylarında artan isti havalarla birlikdə soyuq içkilərə olan tələbat artır. Lakin bu içkilərdə istifadə olunan buzlar, əgər düzgün şəraitdə hazırlanmaz və saxlanmazsa, qida zəhərlənmələrinə səbəb ola bilər.

Axşam.az xəbər verir ki, son günlər bir çox məşhur da buzdan zəhərlənmə xəbəri ilə gündəmə gəlib. Buz da bir qida məhsuludur və əgər təmiz olmayan su ilə hazırlanarsa, gigiyenik qaydalara əməl olunmazsa, zərərli mikroorqanizmləri daşıya bilər. Buzun təmiz olmayan su ilə hazırlanmasının, çılpaq əllə tutulmasının və düzgün saxlanmamasının mikrobların yayılmasına səbəb olacağını mütəxəssislər dönə-dönə deyir.

Buzdan qaynaqlanan zəhərlənmələrdə ümumiyyətlə aşağıdakı simptomlar müşahidə olunur:

– Mədə bulantısı
– Qarın ağrısı
– İshal

Bu əlamətlər, zəhərlənmədən bir neçə saat və ya gün sonra ortaya çıxa bilər.

Gigiyenik İstifadə Üçün Tövsiyələr

– Buz hazırlanarkən istifadə olunan suyun təmizliyinə əmin olun.
– Buzu çılpaq əllə deyil, təmiz alətlər (maşa, qaşıq və s.) ilə tutun.
– Buzları təmiz və uyğun şəraitdə saxlayın.
– Buzların bir dəfə əridildikdən sonra yenidən dondurulmamasına diqqət edin.
– Buz hazırlayan cihazların və saxlanma qablarının mütəmadi olaraq təmizlənməsini təmin edin.

Telegramda izləyin