17-ci əsrin dəbi: varlı qadınlar niyə boyunlarına qara ip bağlayırdı?

17-ci əsrin əvvəllərində qadınlar bəzək əşyaları və geyim seçimində cəsarətli olurdular. Həmin dövrdə dərin dekolteli paltarlar dəbdə idi və qadınlar bu geyimləri qeyri-adi bir aksesuarla — qara iplə bəzəyirdilər. Bu detal təkcə sinə nahiyəsinə diqqət çəkmir, həm də görünüşə incəlik və müəyyən bir cazibə qatırdı, həmin dövrün estetik idealını əks etdirirdi.

Lent.az xəbər verir ki, bu, diqqət cəlb etmək məqsədilə edilirdi. Zadəgan ailələrdən olan qadınlar bəzən bəzəkli olan qara ipləri boyunlarında gəzdirirdilər ki, dərilərinin parlaqlığını vurğulasınlar. Bu isə onların tarlada işləmədiklərini və günəşdə qaralmadıqlarını göstərirdi. Yəni bu qadınlar varlı idilər və işləməyə ehtiyacları yox idi.

Tarixçi Emi Boyinqton belə dəbli üsullardan istifadə edən varlı qadınların bir neçə portretini nümayiş etdirib. Dəb həvəskarları, həmçinin, qara ipləri üzük barmaqlarına da bağlayaraq diqqəti bəzəyə, evli olduqlarına və dərilərinin ağlığına yönəldirdilər.

Bu dəb tendensiyası təxminən 10 il davam edib — təqribən 1610-cu ildən 1620-ci ilə qədər.

Telegramda izləyin