Pentaqon rəhbəri məlumat sızmalarını tapmaq üçün poliqrafdan istifadə edirmiş

ABŞ müdafiə naziri Pit Heqset tabeliyində olan əməkdaşlar arasında KİV-lə məlumat paylaşan şəxsləri müəyyən etmək məqsədilə poliqraf (yalan detektoru) yoxlamalarından istifadə edib.

Oxu.Az xəbər verir ki, bu barədə "The Washington Post" qəzeti ABŞ rəsmilərinə və məsələdən xəbərdar olan mənbələrə istinadən məlumat yayıb.

Məlumata görə, bu yoxlamalar Ağ Evin göstərişi ilə dayandırılıb. Belə ki, mətbuata məlumat sızdıran şəxsləri tapmaq üçün poliqraf testlərindən istifadə Pentaqonun yüksəkvəzifəli müşaviri Patrik Uiverin şikayəti əsasında dayandırılıb.

Qəzetin yazdığına görə, Pit Heqset və komandası aprel ayında bir neçə həftə ərzində bu üsuldan istifadə edib. Uiverin Ağ Evə göndərdiyi müraciətdən sonra prosesə son verilib.

Telegramda izləyin