Məhkəmə qadınları Türkiyədə cinsi istismara məruz qoyan 65 yaşlı şəxslə bağlı qərar verdi

Sumqayıt Apellyasiya Məhkəməsində insan alverində təqsirləndirilən Zəminə Bədəlzadənin (adı, soyadı şərtidir) barəsindəki hökmdən verilən apellyasiya şikayəti üzrə məhkəmə iclası başa çatıb.

Oxu.Az Pravda.az-a istinadla xəbər verir ki, hakim Rəşadət Ağayevin sədrliyi ilə keçirilən prosesdə qərar elan olunub.

Qərara əsasən, şikayət təmin edilməyib.

İttihama görə, 1960-cı il təvəllüdlü Zəminə Bədəlzadə Bakı Ağır Cinayətlər Məhkəməsinin qanuni qüvvədə olan 25 noyabr 2020-ci il tarixli hökmü ilə məhkum olunmuş digər qadınla qabaqcadan əlbir olan bir qrup şəxs halında azərbaycanlı qadınları aldatma yolu ilə zəiflik vəziyyətindən sui-istifadə edib. Həmçinin hədə-qorxu gəlməklə zərərçəkmiş şəxslərin pasportlarını götürüb saxlayıb, sənədlərlə qanunsuz hərəkətlər edib. Təqsirləndirilən şəxslər qadınları Türkiyədə cinsi istismara məruz qoyublar.

Sumqayıt Ağır Cinayətlər Məhkəməsinin hökmü ilə Zəminə Bədəlzadə səkkiz il müddətinə azadlıqdan məhrum edilib.

Telegramda izləyin