Elektron qolbaq taxılan Tulin Ələkbərovanın məşqçilik LİSENZİYASI YOX İMİŞ

Nərimanov Rayon Məhkəməsində keçirilən son iclasda altı ay müddətinə ev dustaqlığına buraxılan Tulin Ələkbərovanın məşqçi lisenziyası yoxdur.

Bu barədə Oxu.Az-a Azərbaycan Kikboksinq Federasiyasından məlumat verilib.

Bildirilib ki, Tulin Ələkbərovaya məxsus olan "Ələkbərova Fight Club"un da federasiyada rəsmi qeydiyyatı yoxdur. Hətta həmin klubun idmançılarına da federasiyanın rəsmi hər hansı bir yarışında iştirak etmə hüququ verilmir.

10:28

Xuliqanlıqda ittiham olunan kikboksçu Tulin Ələkbərovanın mühakiməsi başa çatıb.

Oxu.Az "Qafqazinfo"ya istinadla xəbər verir ki, Nərimanov Rayon Məhkəməsində keçirilən son iclasda hökm açıqlanıb.

Tulin kafelərdən birində mübahisə etdiyi həmcinsinə yumruqla xəsarət yetirməkdə ittiham olunub. Zərərçəkmişin şikayəti əsasında kikboksçu cinayət məsuliyyətinə cəlb edilib.

Bu əməlinə görə Tulinə 2 ilə kimi həbs cəzası nəzərdə tutulsa da, yumşaldıcı hallar vəziyyəti dəyişib.

Nəticədə hakim Gültəkin Əsədova kikboksçu ilə bağlı həbs qərarı çıxarmayıb. Tulinə 6 ay müddətinə azadlığın məhdudlaşdırılması (elektron qolbaq) cəzası verilib. Onun üzərinə cihazın işləkliyinə nəzarət və digər qaydalara əməl etmək öhdəliyi qoyulub.

Telegramda izləyin