Arıqlamağa mane olan əsas amil

Yuxusuzluq, stress və artıq çəki: bu dairə necə bağlanır və niyə yuxu düşündüyünüzdən daha vacibdir?

Əhvalınız tez-tez dəyişir, çəkiniz artır və normal yuxu sizin üçün nadir hala çevrilib?

Lent.az-ın xarici mediaya istinadla xəbərinə görə, bu əlamətlər bir-biri ilə sıx bağlıdır və çox zaman qırılması çətin bir dairə əmələ gətirir.

Stress necə həm yuxunuzu, həm də bədəninizi "oğurlayır"

Mütəxəssisin sözlərinə görə, xroniki stress təkcə psixikanı deyil, həm də bədəni tükəndirir. Amma onun "əlinizdən aldığı" ən dəyərli şey – keyfiyyətli gecə yuxusudur. Və bədən yuxudan məhrum olduqda, tez enerji almaq istəyir. Nəticədə insanın seçimi adətən sadə karbohidratlara və yağlı qidalara yönəlir.

Ən böyük problem

Şirniyyatlar sadəcə qısa müddətli toxluq hissi verir. Yağlı qidalar isə çox yüksək kalorilidir. Belə qidalar bağırsaqlarda zərərli mikrofloranın artmasına səbəb olur, bu isə daha çox zərərli qida istəyi yaradır və metabolizmi pozur. Bu, aradan çıxmaqda çətinlik yaradan "bədxassəli dairə"dir.

Bəs yuxusuzluq arıqlamanı necə əngəlləyir?

Yuxusuzluğun ən təhlükəli nəticələrindən biri hormonal tarazlığın pozulmasıdır, xüsusilə iştaha nəzarət edən hormonların. Bir təcrübədə alimlər 30-45 yaş arası 27 könüllünün yuxusunu sadəcə 4 saata qədər məhdudlaşdırıb. Cəmi bir gecədən sonra belə, onların hormonal göstəricilərində ciddi dəyişikliklər baş verib.

Maraqlı fakt

Təkcə yuxunun miqdarı deyil, nə vaxt yatıb oyandığınız da önəmlidir. Hər kəsin bioloji saatı fərqlidir bəzi insanlar üçün səhər 5-də yatıb günorta oyanmaq təbii sayılır, əgər bu rejim sabitdirsə.

Telegramda izləyin