Pərəstişdən, nifrətə: Xalqın sevgisini itirən 10 ulduz

Şöhrət çox vaxt davamlı olmur. Dünən pərəstiş olunan ulduzlar bu gün sosial şəbəkələrdə ləğv olunur, ictimai qınağa tuş gəlir və ekranlardan yox olurlar. Bunun səbəbləri müxtəlifdir: qalmaqallar, düşünülməmiş bəyanatlar, zəhərli davranış və ya sadəcə auditoriyanın yorulması.

Lent.az xarici mediaya istinadən zamanla ictimaiyyətin rəğbətini itirən 10 məşhur barədə məlumat verir.

1. Şon Kombs (P. Diddy)

Reper və prodüser Şon Kombs barədə yüzdən çox məhkəmə iddiası və 3000-ə yaxın zorakılıq ittihamı var. İnsan alveri, cinsi zorakılıq və fiziki hücum kimi ağır cinayətlərdə günahlandırılan ulduz, hələlik məhkum olunmasa da, imici tamamilə məhv olub.

2. Krisşi Teygen
Sosial mediada dürüstlüyü və yumoru ilə sevilən Krisşi, illər əvvəl Kortni Stoddenə intiharı təşviq edən mesajları ortaya çıxdıqdan sonra ictimaiyyətin gözündən düşdü. Üzr istəsə də, onun imici əvvəlki kimi olmadı.

3. Coan Roulinq
"Harri Potter" seriyasının müəllifi bir vaxtlar uşaqları birləşdirən sima olsa da, transfobik bəyanatları səbəbindən kütləvi tənqidlərlə üzləşdi. Ədəbiyyatdakı statusu davam etsə də, ictimai imici ciddi şəkildə zədələnib.

4. Armi Hammer
2021-ci ildə bir neçə qadın tərəfindən zorakılıq və manipulyasiya ilə ittiham olunduqdan sonra Armi Hammer Hollivudda işlərini itirdi. Onun sadist fantaziyaları və zorakı davranışları ifşa olunduqdan sonra, "ideal kişi" obrazı tamamilə dağıldı.

5. Kanye West
Musiqiçi və dizayner Kanye son illərdə antisemit bəyanatlar, irqçi fikirlər və siyasətə qeyri-ciddi çıxışı ilə diqqət çəkdi. Musiqidə yenilikçi olsa da, bu gün daha çox aqressiya və dözümsüzlüklə assosiasiya olunur.

6. Kevin Speysi
Oskar mükafatçısı aktyor 2017-ci ildən bəri bir neçə kişi tərəfindən seksual təcavüzdə ittiham olundu. Məhkəmə onu günahsız saysa da, "House of Cards" serialındakı rolunu itirdi və karyerası geriyə dönməz şəkildə zərər gördü.

7. Ellen Degenres
Pozitivlik simvolu olan Ellen, işçiləri tərəfindən toksik iş mühiti yaratmaqda və zorakılığı görməzlikdən gəlməkdə ittiham olundu. Onun gülümsəyən ekran görüntüsünün arxasında fərqli bir şəxsiyyətin olması izləyiciləri şok etdi.

8. Bill Kosbi
Bir vaxtlar "Amerikanın atası" kimi tanınan Kosbi, 60-dan çox qadının cinsi təcavüz ittihamı ilə üzləşdi. Bir neçə hökm ləğv olunsa da, cəmiyyətin gözündə o, artıq sevilən sima deyil.

9. Lea Mişel
"Glee" serialının ulduzu Lea Mişel həmkarları tərəfindən eqoist və təhqiramiz davranışlarda ittiham olundu. Onun çəkiliş meydanında yaratdığı mənfi atmosfer bir çoxlarının gözündə onu real həyatda da "diva"ya çevirdi.

10. Ceyms Korden
Britaniyalı aparıcı pozitiv obrazı ilə tanınsa da, restoran işçilərinə qarşı pis rəftarı səbəbilə tənqid olundu və hətta bir restorana girişinə qadağa qoyuldu. Onun ekran arxasındakı davranışları izləyicilərini məyus etdi.

Telegramda izləyin