Maqnit fırtınası xəbərdarlığı: Nə vaxt pik həddə çatacaq və necə qorunmalı?

Xəbər verdiyimiz kimi, 11 avqustdan 15 avqusta qədər Yer üzündə bir çox insan üçün çətin keçəcək. Alimlərin proqnozlarına görə, bu dövrdə geomaqnit aktivliyi artacaq ki, bu da xüsusilə xroniki xəstəlikləri və sinir sistemi pozğunluğu olanlar üçün sağlamlıq problemləri yarada bilər.

Sonxeber.az milli.az-a istinadən maqnit fırtınalarının pik həddinin vaxtını, əlamətlərini və sağlam qalmaq üçün nə etmək lazım olduğunu təqdim edir:

11-15 Avqust üçün maqnit fırtınası proqnozu

NASA və NOAA-nın məlumatına görə:

11 avqust, Bazar ertəsi: Aktiv dövr başlayır. Qırmızı səviyyəli G1 fırtınası (K-indeksi 5) gözlənilir. Artıq bəzi insanlarda narahatlıq simptomları hiss oluna bilər.

12 avqust, Çərşənbə axşamı: G1 maqnit fırtınası pik həddə çatacaq (K-indeksi 5).

13 avqust, Çərşənbə: G2 səviyyəli güclü maqnit fırtınası gözlənilir. Bu ən təhlükəli gündür, sağlamlığa xüsusi diqqət yetirilməlidir.

14 avqust, Cümə axşamı: Aktivlik zəifləyəcək, lakin orta səviyyəli maqnetik dalğalanmalar (K-indeksi 4) davam edəcək.

15 avqust, Cümə: Maqnetosfer sakitləşməyə başlayacaq, yalnız zəif lokal fırtınalar (K-indeksi 3) gözlənilir.

Maqnit fırtınası nədir və bizi niyə təsirləndirir?

Maqnit fırtınaları Günəşdə baş verən güclü alovlanmalar nəticəsində yaranır. Bu alovlanmalar zamanı yüksek enerjili zərrəciklər kosmosa atılır və bir neçə gün ərzində Yerə çataraq maqnetosfer ilə qarşılıqlı əlaqəyə girir. Bu zaman Yer maqnit sahəsində dəyişikliklər yaranır ki, bu da "geomaqnit fırtına" adlanır.

Çox insan bu təsiri hiss etməsə də, hava həssaslığı olanlar, ürək-damar, sinir sistemi və xroniki xəstəliklərdən əziyyət çəkənlər bu dövrdə narahatlıq keçirə bilərlər.

Telegramda izləyin