Bakıda 27 yaşlı qadın ərini başqa xanımla yazışanda tutdu: Doqquz bıçaq zərbəsi endirdi
Bakıda 27 yaşlı Aynur Zərbəliyeva başqa xanımla yazışan həyat yoldaşı Sakit Zərbəliyevi ölümcül bıçaqlayıb.
Sonxeber.az Oxu.Az-a istinadən xəbər verir ki, hadisə paytaxtın Nizami rayonu, Çobanzadə küçəsindəki mənzillərdən birində baş verib.
2015-ci ildə Aynur və Sakit ailə həyatı qurublar. Onların birgə nikahdan övladları olmasa da, Aynurun əvvəlki ərindən iki, Sakitin isə əvvəlki həyat yoldaşından üç övladı olub. Həmçinin, Sakitin qardaşının həyat yoldaşı rəhmətə getdiyi üçün onların da iki övladı bu ailənin himayəsində olub.
Paytaxtın Nizami rayonunda ev alqı-satqısı ilə məşğul olan Sakit başqa bir xanımla münasibət qurub. Bir gün Aynur ərinin telefonunda onun başqa qadınla yazışmasını aşkar edib və ailədə söz-söhbət başlayıb. Məsələ ilə bağlı ailədə bir neçə dəfə mübahisə də yaranıb.
Bir müddət əvvəl cütlük arasında yenidən mübahisə başlayıb və Sakit evi tərk edərək iş yerinə gedib.
Axşam evə qayıdan Sakit Aynurdan çay istəyib. Aynur isə cavabında "get kiminlə yazışırsan, çayı da o versin, sənə çay düşmür" deyib. Cütlük arasında yenidən sözlü mübahisə başlayıb və Sakit yataq otağına keçib yerində uzanıb. Bir neçə saatdan sonra əsəbləri sakitləşməyən Aynur ərini öldürməyə qərar verib və o, bu məqsədlə mətbəxdən bıçaq götürüb sakitcə yataq otağına keçib. Sakiti yatmış bilən Aynur ona hücum edib və Sakitin ürək, boğaz və boyun nahiyələrindən 9 bıçaq zərbəsi endirib.
Ərinin öldüyünü zənn edən qadın evdən çölə çıxıb pilləkəndə oturub. Bu vaxt Sakit yaralı vəziyyətdə pilləkənə çıxaraq ondan su və mobil telefon istəyib. Qadın ərinə əvvəlcə su, sonra isə mobil telefon verib. Sakit telefonla təcili tibbi yardıma zəng vurub kömək istəyib. Həkimlərin köməyi ilə Sakit xəstəxanaya çatdırılıb və əməliyyat olunub.
Polis əməkdaşlarının keçirdikləri əməliyyat nəticəsində hadisəni törətməkdə şübhəli bilinən Aynur Zərbəliyeva saxlanılıb və istintaqa təhvil verilib.
Faktla bağlı cinayət işi başlanıb və A.Zərbəliyeva barədə həbs qətimkan tədbiri seçilib.
Bakı Ağır Cinayətlər Məhkəməsində keçirilən prosesdə məlum olub ki, A.Zərbəliyeva həyat yoldaşı ilə barışıb.
Məhkəmənin hökmü ilə A.Zərbəliyeva 11 il 3 ay azadlıqdan məhrum edilib.
Sonxeber.az
Telegramda izləyin
Şikayətiniz varsa Whatsapp: 077 7125666
Facebookda Paylaş











TƏCİLİ! Sabah bu ərazilərdə QAZ OLMAYACAQ
XƏBƏRDARLIQ! Bu tarixlərdə hava KƏSKİN PİSLƏŞƏCƏK: Güclü külək, temperatur enəcək...
Minaya düşərək həlak olan şəxs 2 övlad atası olub - YENİLƏNİB
Qaz limiti ilə bağlı ŞAD XƏBƏR - Sərfiyyat minimuma enəcək
Paytaxtda restoranda dava: Qıza söz atan kişi arvadının yanında döyüldü
Bu ərazilərdə SU OLMAYACAQ
"4 ildir bu xəstəliyə görə kökəlmirəm"
Milli Qəhrəman Ehtiram Əliyevlə vida mərasimi keçirilməyəcək: Dəfnin vaxtı və yeri açıqlandı - YENİLƏNİB
Birdəfəlik sosial müavinətlər BU TARİXDƏ ÖDƏNİLƏCƏK
"Başı ağrıyırmış, hamama gedib..." - Yataqxanada tələbənin ölümünün təfərrüatı - VİDEO
Məzun olmağa hazırlaşırdılar, arzuları yarımçıq qaldı: İki məktəblinin faciəli taleyi - Video
Əhaliyə SON DƏQİQƏ XƏBƏRDARLIĞI: Bu tarixdə qar yağacaq
Gələn il orta aylıq əməkhaqqı bu qədər artacaq
Yataqxanada meyiti tapılan tələbənin ölümü: ATU-dan açıqlama gəldi - Foto
2027-ci ildə pensiyaçılar üçün YENİ ARTIM - 640 manatla bağlı gözlənti