Bu tarixlərdə doğulanların ruhu əvvəllər dünyada olub

Numeroloqların fikrincə, hər bir insan Yer üzünə müəyyən mənəvi missiya ilə gəlir. Bəzilərinin "gənc ruhu" olur və onlar dünyanı ilk dəfə kəşf edirlər, digərləri isə artıq əvvəlki həyatlardan topladıqları zəngin təcrübəyə malik "köhnə ruh" daşıyırlar.

Lent.az xarici mediaya istinadən xəbər verir ki, belə insanlara aid ola biləcək doğum tarixləri 7, 8, 16 və 26-dır.

7-ci gün

Bu tarix "ruhani" rəqəm hesab olunur. Belə insanlar çox vaxt müdrik məsləhətlər verirlər, bəzən isə gələcəyi hiss etmə və ya yuxuları düzgün yozma qabiliyyətinə malik olurlar.

8-ci gün

Numerologiyada 8 rəqəmi karmanın tarazlığı, köhnə ruhun müdrikliyi, dürüstlük və maddi rifahla əlaqələndirilir. Bu tarixdə doğulanlar güclü xarakterə sahibdir, öz dəyərlərinə sadiq qalırlar. Onların ruhu əvvəl də bu dünyada olub, keçmiş təcrübələr isə indiki həyatda eyni səhvləri təkrarlamamağa kömək edir.

16-cı gün

Belə insanlar çox vaxt lider olur, yüksək emosional zəkaya sahibdirlər. Uşaqlıqdan ətrafdakı insanlar onların yetkinliyini hiss edir və onlara nümunə kimi baxırlar. Onlarla ünsiyyətdə olanlar çox vaxt daxili harmoniya hiss edirlər.

26-cı gün

Bu tarixdə doğulanlar hörmət və nüfuz saçırlar. Çox vaxt başqalarına kömək etmək, təhlükəsiz və rahat mühit yaratmaq istəyirlər. Onlar keçmiş həyatda sağaldıcı və ya şəfa verən rolunda ola biliblər. Numeroloqlar hesab edirlər ki, belə insanlar əvvəlki həyatlarından bəzi şüursuz xatirələri daşıyır və bu, onların indiki həyatda daha müdrik qərarlar verməsinə kömək edir.

Telegramda izləyin