İlon Maskın foto və video yaradan neyron şəbəkəsi pulsuz oldu

İlon Maskın "xAI" şirkəti "Android" və "iOS" sistemlərində mobil proqramların bütün istifadəçiləri üçün süni intellekt təsviri və video generatoru "Grok Imagine"ə pulsuz çıxış elan edib.

Oxu.Az xəbər verir ki, bu barədə gazeta.ru məlumat yayıb.

Əvvəllər funksiya yalnız "SuperGrok" və "X Premium+" abunəçiləri üçün əlçatan idi.

"Grok Imagine" mətn sorğuları və ya yüklənmiş şəkillər əsasında 15 saniyəyə qədər uzunluqda şəkillər və qısa videolar yaratmağa imkan verir. İstifadəçilər müxtəlif vizual üslubları seçə və səs sinxronizasiya funksiyasından istifadə edə bilərlər.

Pulsuz giriş məhdud müddətə verilir. Təqdimat çərçivəsində istifadəçilər hər 12 saatdan bir beşə qədər sorğu göndərə bilərlər. Pulsuz girişin nə qədər davam edəcəyi açıqlanmır.

Göründüyü kimi, qərar "GPT-5"in işə salınmasından və "xAI" və "OpenAI", eləcə də onların rəhbərləri - İlon Mask və Sem Altman arasında qarşıdurmadan sonra verilib. Avqust ayında onlar "X" sosial şəbəkəsində mübahisə ediblər: Mask "Apple"ı "ChatGPT" tətbiqini tanıtmaqda günahlandırdı, bundan sonra Altman "X"in rəhbərini sosial şəbəkənin alqoritmlərini onun hesabını tanıdılmasında manipulyasiya etməkdə günahlandırıb.

Telegramda izləyin