"Kim Milyoner Olmaq İstər?" yarışmasında 300 minlik sualda səhv cavab verildi

Türkiyənin ATV kanalında yayımlanan və maraqla izlənilən "Kim Milyoner Olmaq İstər?" verilişində həyəcanlı anlar yaşanıb.

Sonxeber.az türk mediasına istinadən xəbər verir ki, Oktay Kaynarcanın aparıcısı olduğu yarışmada iştirakçı Fadimə Üngörən performansı ilə diqqət çəkib.

Bütün baryer suallarını uğurla cavablandıran Üngörən, böyük mükafata doğru irəliləyərək 300 min TL-lik suala qədər çatıb. Ona belə bir sual ünvanlanıb:

"Hansı ölkənin himnində ‘İspaniya Kralına ömürboyu sədaqətimi təqdim etdim’ ifadəsi yer alır?"

Yarışmaçı cavab olaraq "İspaniya" seçimini edib. Lakin düzgün cavab "Hollandiya" olduğu üçün Üngörən böyük xəyal qırıqlığı yaşayıb.

Aparıcı Oktay Kaynarca isə cavabdan sonra iştirakçıya dönərək: "Cavab bu qədər asan ola bilərdimi?" – sözləri ilə diqqət çəkib.

Səhv cavab səbəbilə böyük mükafatı qaçıran yarışmacı, 50 min TL qazanaraq yarışmaya vida edib.

Telegramda izləyin