Leonardo Di Kapriodan şəxsi həyat və yaşı barədə ETİRAFLAR

Leonardo Di Kaprio 50 yaşında ilk dəfə yaşa və həyata münasibətini bölüşüb.

Lent.az xarici mediaya istinadən xəbər verir ki, aktyor bu barədə bir müsahibəsində danışıb.

Leonardo Di Kaprio yaş haqqında nə düşünür?

"Titanik"in ulduzu rejissor Pol Tomas Andersonla söhbət zamanı emosional baxımdan özünü 32 yaşında kimi hiss etdiyini etiraf edib.

Həmkarı ondan 50 yaşın onu həyata dair düşünməyə vadar edib-etmədiyini soruşanda, Di Kaprio bir neçə mühüm prioritetini qeyd edib.

"Bu, səndə daha dürüst olmaq və vaxtını boş yerə xərcləməmək istəyi yaradır. Qarşıdakı bir neçə onilliyin necə inkişaf edəcəyini yalnız təsəvvür edə bilirəm", — deyə o bildirib.

Aktyor bu mövzuda onun üçün ən böyük ilham mənbəyinin anası İrmelin olduğunu söyləyib:

"Anama baxıram: o, sadəcə düşündüyünü deyir və vaxtını boş yerə sərf etmir. Rol oynamağa da vaxt sərf etmir," — deyə qeyd edib.

Leonardoya görə, yaş artdıqca insan özünə və dünyaya qarşı daha səmimi olmalıdır. O, indi istənilən münasibətdə — şəxsi və ya peşəkar — risk etməyə, anlaşılmazlıqlara və hətta ayrılıqlara hazırdır.

"Bu o deməkdir ki, artıq vaxtınızı xərcləmək istəmirsiniz. Sadəcə daha açıq olmalısınız. Bu, demək olar ki, bir borcdur, çünki arxada qalan ömrünüz qarşıdakıdan çoxdur," — deyə o etiraf edib.

Leonardo Di Kaprionun şəxsi həyatı barədə nələr bilirik?

Xatırladaq ki, aktyor qapalı həyat tərzi sürür. Şəxsi həyatı barədə demək olar ki, danışmır. O, uzun illərdən sonra ilk dəfədir ki, bu qədər açıq danışıb.

Hazırda model Vittoriya Çeretti ilə münasibətdədir. Cütlük 2023-cü ildən birlikdədir.

Bundan əvvəl onun romantik həyatı Kamila Morrone, Nina Aqdal, Toni Qarrn və başqaları ilə münasibətləri əhatə edib. Həmçinin Cici Hadidlə əlaqələrinə dair söz-söhbətlər dolaşırdı.

Aktyorun münasibətləri tərəfdaşları ilə arasındakı böyük yaş fərqi səbəbindən dəfələrlə tənqid və zarafat mövzusuna çevrilib — o, yalnız 18–25 yaşlılarla görüşür.

Telegramda izləyin