Payız 2025-in dəbli rəngləri açıqlandı

Yeni mövsümdə geyimlərdə isti, dərin və mürəkkəb çalarlar trendlərdə olacaq.

Lent.az xəbər verir ki, stilist Yelena Şevçenkonun sözlərinə görə, bu rənglər bir-biri ilə asan uyğunlaşır və gündəlik obrazlara rahatlıqla inteqrasiya olunur.

Görkəmli payız palitrası belədir:

Xardal – isti və enerjili çalar, xüsusilə palto, sviter və aksesuarlarla uğurlu görünür. Ən yaxşı uyğunluqlar: dərin göy, qəhvəyi, tünd yaşıl, boz və bordo.

Bardovu– payızın klassik rəngi, dərinlik və zəriflik simvolu. Denimi, xardalı, südlü və bej çalarları ilə mükəmməl uyğunlaşır.

Tozlu mavi – sakit və zərif ton, bazaya mükəmməl uyğun gəlir. Bej, ağ, yumşaq çəhrayı və şokoladla birləşir.

Qırmızı – 2025 payızının əsas rəngi. Cəsarətli və dramatik çalar həm total look, həm də aksessuarlar üçün uyğundur.

Salat rəngi – təzəlik verən, mövsümə dinamika qatan çalar. Qəhvəyi, xardal, bordo və lavanda ilə uyğun görünür.

Şokolad – qara rəngə alternativ, isti və dərin. Hem total look, həm də baza üçün əla seçimdir.

Zümrüd – zəngin və dəbdəbəli rəng. Xardal, salat rəngi və qəhvəyi ilə uğurlu görünür.

Tünd göy (indigo) – nəcib və ciddi çalar, ofis geyimləri üçün mütləqdir. Ağ, bordo, tozlu mavi və bej ilə uyğunlaşır.

Tozlu çəhrayı – zərif və universal ton, qırmızı və bordo ilə möhtəşəm duet yaradır.

Lavanda – yumşaq və sərinləşdirici çalar, həm gündəlik, həm də zərif kombinlərdə istifadə oluna bilər.

Stilistlərin vurğuladığına görə, payız 2025 palitrası həm klassik, həm də gözlənilməz kombinasiyalarla doludur və hər kəs öz üslubuna uyğun seçim tapa bilər.

Telegramda izləyin