Kişilər münasibətdə ciddi niyyətlərini nə vaxt deməlidirlər? – 1 ay, 1 il?

Münasibətlərdə ən çox verilən suallardan biri budur, kişi nə vaxt ciddi niyyətini açıqlamalıdır? Bir ay, yarım il, yoxsa bir il sonra? Mütəxəssislər bildirirlər ki, dəqiq tarix yoxdur, amma statistik göstəricilər və psixoloji siqnallar bu mövzuda müəyyən istiqamət verir.

Bu barədə Lent.az xarici mediaya istinadla xəbər verir.

Araşdırmalar nə göstərir?

Şotlandiyanın Dandi şəhərində Abertey Universitetinin apardığı sorğuya görə kişilər orta hesabla 97–108 gün sonra (təxminən 3–4 ay) sevgilərini etiraf edirlər, qadınlar isə bunu adətən 122–138 gün sonra (təxminən 4 ay) edirlər.

Ekspertlər bu dövrü "bal ayı mərhələsi"nin sonu hesab edirlər. Bu müddətdən sonra emosiyalar sabitləşir və tərəflər bir-birini daha real şəkildə – həm müsbət, həm də mənfi tərəfləri ilə görməyə başlayır.

Daha uzun gözləmək normadırmı?
Psixoloqlar bildirirlər ki, bəzi cütlüklər daha yavaş inkişaf edir. Kimisi üçün yarım il – etiraf üçün tam normal zamandır.

Amma əgər kişi 8 aydan çox susursa və nə hisslərini, nə də birgə gələcəklə bağlı niyyətini açıqlamırsa, bu, artıq siqnal ola bilər. O, ya hələ hazır deyil, ya da münasibətlərə başqa cür baxır.

Sorğuların nəticələri
İnsanlar sevgilərini neçə müddət sonra etiraf edirlər?

22% – ilk ayda, 30% – 1–3 ay arasında, 18% – 4–6 ayda, 15% – yarım ildən sonra.

Bu, bir daha göstərir ki, "doğru vaxt" anlayışı yoxdur. Əsas odur ki, tərəflər eyni tempdə münasibəti davam etdirməyə hazır olsunlar.

Psixoloji mərhələlər
Stenberqin "Sevgi nəzəriyyəsi"nə görə, sevgi üç hissədən ibarətdir: intimlik, ehtiras və öhdəlik. İlk mərhələdə ehtiras üstünlük təşkil edir və 3–12 ay davam edə bilər. Daha sonra yaxınlıq və məsuliyyət ön plana keçir.

Neyrobioloqlar isə qeyd edirlər ki, ehtiraslı sevgi beyində mükafat mərkəzlərini aktivləşdirir və 18 aya qədər davam edə bilər. Amma əgər bu müddətdə yaxınlıq və ortaq gələcək planı inkişaf etməzsə, münasibət yetkin mərhələyə keçmir.

Əgər o, susursa...
Mütəxəssislərin məsləhətləri belədir:

Vaxt verin. İlk 2–3 ayda ciddi sözlər tələb etmək tezdir.

Əməllərə baxın. Bəzən kişi hisslərini sözdən çox davranışla göstərir.

Açıq danışın. Uzun müddət keçibsə, söhbət etmək ən yaxşı yoldur.

Perspektivi qiymətləndirin. Əgər bir ildən sonra da nə söz, nə də addım yoxdursa – münasibətdə ciddi niyyət olmaya bilər.

Əkişilər münasibətlərin ilk 3–4 ayı ərzində ciddi niyyətlərini dilə gətirirlər. Kimisi bunu daha tez, kimisi yarım ildən sonra edir. Amma illərlə cavabsız gözləmək artıq münasibətin perspektivi barədə düşünməyə əsas verir.

Telegramda izləyin