Qadını öldürüb uşaqlarını oğurladı - Çamadan sirləri AÇDI

ABŞ-ın Missuri ştatında bir kişi qadını öldürüb, onun qalıqlarını çamadanın içinə gizlədib və uşaqlarını oğurlayıb.

Lent.az xarici mediaya istinadla bildirir ki, Makdonald dairəsinin polisi məlumat alıb ki, içindən insan ayaqları çıxan çəhrayı çamadan tapılıb. İçərisində 25 yaşlı Cessika Makkormikin cəsədi olub.

Təsadüfən çamadana rast gələn naməlum şəxsin zəngi polisə qətli və uşaqların oğurlanmasını açmağa kömək edib.

İstintaq zamanı məlum olub ki, 19 iyulda Makkormik 911-ə zəng edib. O, həmin vaxt partnyoru Məhəmməd Tuksounun bıçağı boğazına dirəyərək onu zorladığını bildirib. Qadın onun uşaqlarına zərər verəcəyindən qorxduğunu da deyib. Polis dərhal hadisə yerinə gəlsə də, onların gəlişindən əvvəl Məhəmməd gizlənməyə müvəffəq olub. Bu, Makkormikin son dəfə sağ görülməsi olub.

Sonradan Məhəmməd uşaqları dostlarının və ya qohumlarının yanında gizlətməyə çalışıb. Nəticədə onları Ayova ştatında yaşayan bir dostuna gətirib, özü isə yoxa çıxıb.

Kişi Qvatemalada tutulub və daha sonra ABŞ-a ekstradisiya olunub. İndi Məhəmmədi ömürlük həbs cəzası gözləyir.

Telegramda izləyin