Qəyyum qadın azyaşlı qızı aclıqdan öldürdü

Rusiyanın Kamçatka diyarında 44 yaşlı qəyyum qadına 5 yaşlı qızı aclıqdan öldürüb.

Lent.az yerli mediaya istinadla xəbər verir ki, 2024-cü ilin yanvarından 2025-ci ilin yanvarına qədər rusiyalı qadın əlil qız uşağını qəyyumluğa götürüb. O, uşağı normal qidalanmadan məhrum edib, açıq havada gəzməyə aparmayıb, müalicəvi bədən tərbiyəsi masajı etdirməyib, həmçinin onu loqoped və defektoloqa aparmayıb. Bütün bunlar uşağın orqanizminin tükənməsinə səbəb olub və körpəni xilas etmək mümkün olmayıb.

Qəyyum qadın Rusiya Federasiyası Cinayət Məcəlləsinin 105-ci maddəsinin 2-ci hissəsi ("Qəsdən adam öldürmə") və 156-cı maddəsi ("Yetkinlik yaşına çatmayan uşağın tərbiyəsi üzrə vəzifələrin icra edilməməsi, azyaşlıya qarşı qəddarlıqla birləşdirildikdə") üzrə ittiham olunur. O, özünü təqsirli bilmir.

Bildirilib ki, istintaq orqanları həmçinin qəyyumluq orqanlarının fəaliyyətini də araşdırır, onların üzərinə səhlənkarlıq ittihamı ilə cinayət işi açılıb.

Telegramda izləyin