Həkimlərdən TÖVSİYƏ: bağırsaq xərçəngi riskini azaldan qaydalar

Mütəxəssislər bildirirlər ki, bir sıra sadə qaydalara əməl etməklə bağırsaq xərçəngi riskini dəfələrlə azaltmaq mümkündür.

Lent.az xəbər verir ki, bu barədə həkim Robin Klark öz tövsiyələrini bölüşüb.

1. Daha çox meyvə və tərəvəz

Həkimin sözlərinə görə, meyvə və tərəvəzlərdə olan fitonutrientlər və antioksidantlar bağırsaq hüceyrələrini zədələnmədən qoruyur və sağlam mikrofloranın formalaşmasına kömək edir. Dünya Xərçəng Araşdırmaları Fondu (WCRF) da bitki mənşəli qidaların xərçəngin profilaktikasında mühüm rolunu təsdiqləyib.

2. Rasionda kifayət qədər lif
Kifayət qədər kletçatka (lif) qəbulu bağırsağın fəaliyyətini sürətləndirir, iltihabı azaldır və toksinlərin orqanizmdən çıxmasına şərait yaradır. Lif yalnız meyvə və tərəvəzdə deyil, həm də paxlalılar, tam taxıllar və qoz-fındıqda olur.

3. Alkoqoldan uzaq durmaq
Alkoqol bağırsağın selikli qişasına zərər verərək xərçəng riskini artırır. Həmçinin qaraciyərin işini pozur və uzunmüddətli sağlamlıq fəsadlarına yol açır.

4. Çəkiyə nəzarət
Artıq çəki iltihab proseslərini gücləndirir, hormonal balansı pozur və bu da bağırsaq xərçəngi riskini artırır. Sağlam çəkini qorumaq üçün düzgün qidalanma və fiziki aktivlik vacibdir.

5. Sağlam həyat tərzi
Mütəxəssislər qeyd edir ki, müntəzəm fiziki aktivlik, siqaretdən imtina, stressin idarə olunması və keyfiyyətli yuxu bağırsaq sağlamlığına və ümumi immun sisteminə ciddi təsir göstərir.

Telegramda izləyin