Yay fəslini sevənlərə pis xəbər: 9 gün...

Bir çox insanlar dəniz mövsümünə görə yay mövsümünü daha çox sevir. Amma bədəniniz sizinlə eyni fikirdə olmaya bilər.

Ölkə.Az "The Guardian"a istinadla xəbər verir ki, aparılan araşdırmalar isti havaların insanı bioloji olaraq daha sürətli qocaltdığını üzə çıxarıb.

Belə ki, Çin, Tayvan və ABŞ-dan olan tədqiqatçılar 2008-2022-ci illər arasında Tayvanda təxminən 25 min böyük yaşda insanın sağlamlıq məlumatlarını təhlil ediblər.

Tədqiqatçılar qan təzyiqi, xolesterin, ağciyər, qaraciyər və böyrək funksiyası da daxil olmaqla bir sıra tibbi testlərin məlumatlarından istifadə edərək iştirakçıların bioloji yaşını təyin ediblər.

Elm adamları 2 il ərzində 4 gün istilik dalğasına məruz qalan insanların bioloji yaşlarını orta hesabla 9 gün irəlilətdiyini aşkar ediblər. Məlum olub ki, açıq havada daha çox vaxt keçirən işçilərdə bu təsir daha sürətlidir.

"İstilik dalğalarına onilliklər ərzində məruz qalmağın sağlamlığa təsirləri bildirdiyimizdən qat-qat çox ola bilər" - araşdırmaya rəhbərlik edən Honq-Konq Universitetindən doktor Cui Quo deyib.
Alim istilik dalğalarının indi daha tez-tez və daha uzun müddət ərzində meydana gəldiyini vurğulayıb. Cui yüksək temperaturun gələcək təsirlərinin "daha şiddətli" və uzunmüddətli ola biləcəyini söyləyib.

Araşdırma "Nature Climate Change" jurnalında dərc olunub.

Telegramda izləyin