Yataq otağından bu 3 əşyanı təcili atın

Yataq otağı yalnız yuxu üçün məkan deyil, həm də bədənin və zehnin bərpa olunduğu yerdir. Lakin həkimlərin xəbərdarlığına görə, otaqda gündəlik istifadə olunan bəzi əşyalar sağlamlığa ciddi mənfi təsir göstərə bilər.

Lent.az bu barədə xarici mediaya istinadla xəbər verir.

1. Köhnə yastıqlar
Toyuq və tərəvəzli düyü - möhtəşəm pəhriz naharı
Təcrübəli evdar qadınlar qayğanağı belə bişirir: mükəmməl səhər yeməyinin sirləri
Qatığı bu vaxtlarda yemək daha faydalıdır
1–2 ildən artıq istifadə edilən yastıqlarda toz gənələri, tərləmə nəticəsində yaranan çirklər, allergenlər, göbələk və kif toplanır. Bu isə allergik reaksiyalara, dəri səpgilərinə və hətta əzələ ağrılarına səbəb ola bilər. Yastıqlar hər 1–2 ildən bir dəyişdirilməlidir.

2. Sintetik hava təravətləndiricilər
İkinci təhlükə mənbəyi sintetik ətirli spreylərdir. Onlar xoş qoxu versə də, əslində ftalatlar və uçucu üzvi birləşmələr (UÜB) ifraz edir. Bu maddələr tənəffüs problemlərinə, hormonal pozğunluqlara, hətta reproduktiv sağlamlığa zərərə səbəb ola bilər. Araşdırmalardan birində məlum olub ki, test edilən hava təravətləndiricilərinin 86%-i ftalat tərkiblidir. Onların əvəzinə təbii efir yağlarının istifadəsi məsləhət görülür.

3. İstifadə müddəti bitmiş matraslar
Üçüncü risk faktoru köhnəlmiş matraslardır. 7–10 ildən çox istifadə edilən matras elastikliyini itirir, dəstəyi zəifləyir və bu da xroniki bel ağrılarına və keyfiyyətsiz yuxuya gətirib çıxarır. Matrasın sərtliyi ilə bel nahiyəsində diskomfort arasında birbaşa əlaqə var.

Matrasın dəyişdirilməsinə işarə edən əlamətlər: Yuxudan sonra yorğun qalmaq, matrasın batması və ya səs çıxarması, allergiya əlamətlərinin yaranması.

Telegramda izləyin