Müəllim 70 yaşlı kirayəşini döyüb öldürdü - Su qızdırıcısına görə

Türkiyədə ev sahibi 70 yaşlı kirayəşinini öldürüb.

Lent.az yerli mediaya istinadla bildirir ki, hadisə Adana şəhərinin Kozan qəsəbəsində baş verib.

Ev sahibi Yener R. 4 ildir kirayəşini olan 70 yaşlı Hüseyn Başakdan nasaz olan su qızdırıcısına görə 500 lirə (təxminən 20 manat) istəyib. Başak isə cihazı işlətmədiyi üçün pul verməkdən imtina edib. Bu isə ev sahibinin xoşuna gəlməyib və tərəflrə arasında mübahisə başlayıb. Küçədə davam edən mübahisənin sonunda ev sahibi Yener R. və arvadı birləşərək, 3 uşaq atası olan 70 yaşlı Hüseyn Başakı taxta və dəmirlə döyüblər. Davadan sonra evinə qayıdan Başak özünü pis hiss etdiyi üçün təcili tibbi yardım çağırılıb. Gələn həkimlər yaşlı kişinin öldüyünü müəyyən ediblər.

Hadisəni törədən ər-arvad isə maşınla ərazidən qaçıblar. Məlum olub ki, Yener R. qəsəbədəki peşə məktəbində direktor müavini işləyib. İndi isə həmin məktəbdə müəllim kimi çalışır.

Hazırda cütlüyün tutulması üçün axtarışlar aparılır.

Telegramda izləyin