Fırıldaqçılar oyaqdırlar: Şəxsi məlumatlarınızı belə qoruyun

Fırıldaqçılar heç vaxt fasilə götürmürlər. İstifadəçilərin fişinq və fırıldaqçı saytlar, zərərli proqramlar və bank kartı məlumatlarının oğurlanması kimi təhlükələrlə üzləşmək riski davam edir. Həm evdə, həm də ölkə xaricində şəxsi məlumatlarınızı və pulunuzu riskə atmaq üçün etibarlı olmayan "Wi-Fi" şəbəkəsinə qoşulmaq və ya təsadüfən saxta sayta daxil olmaq kifayətdir.

Lent.az xəbər verir ki, maliyyə və məxfi məlumatlarınızı qorumaq üçün mütəxəssislər tövsiyələr veriblər.

Onlayn ödənişlər və səyahətlər üçün ayrıca kartdan istifadə edin. Əsas vəsaitlərinizi başqa hesabda saxlayın və iş və ya səyahət kartınızın balansını yalnız lazım olduqda artırın.

Yalnız təhlükəsiz şəbəkələrə qoşulun. Təhlükəsizlik üçün internet trafikinizi şifrələmək üçün həllərdən istifadə edin və mümkün olduqda ictimai "Wi-Fi" əvəzinə mobil internetdən istifadə edin.

Hər bir əməliyyat üçün bildirişləri açın. Bankdan bildirişlər və ya SMS-lər şübhəli ödənişləri vaxtında görməyə və kartınızı tez bloklamağa kömək edəcək.

Yalnız təhlükəsiz cihazlardan alış-veriş ödənişləri edin. Cihazlarınızda müasir təhlükəsizlik həllinin quraşdırıldığında əmin olun.

Nağd pulla ehtiyatlı olun. Bütün pulunuzu bir yerdə saxlamayın: seyflərdən istifadə edin, üzərinizdə yalnız kiçik bir məbləğ gəzdirin və turistik bölgələrdə diqqətli olun.

"Bu gün Azərbaycan sakinləri həm gündəlik həyatda, həm də xaricə səyahət edərkən bank kartlarından və onlayn xidmətlərdən daha çox istifadə edirlər. Bununla belə, yadda saxlamaq lazımdır ki, fırıldaqçılar getdikcə daha yaradıcı olurlar. Özünüzü qorumaq üçün etibarlı təhlükəsizlik həlli quraşdırmağı, mürəkkəb şifrələrdən və ikifaktorlu autentifikasiyadan istifadə etməyi, həmçinin şəxsi məlumatlarınızı heç vaxt şübhəli rəsmi saytlara daxil etməməyi tövsiyə edirik", - deyə bildiriblər.

Telegramda izləyin