Suriyanın birinci xanımı məzun oldu - Diplomunu prezident təqdim etdi

Suriyanın keçid dövrü Prezidenti Əhməd Əl Şaraa xanımı Latifə əl Durubi İdlib Universitetinin Ərəb Dili və Ədəbiyyatı fakültəsindən məzun olub.

Sonxeber.az-ın modern.az-a istinadən məlumatına görə, universitetdə "Qələbə və Qurtuluş" adlı məzuniyyət mərasimi keçirilib.

Tədbirdə Prezident Şaraa da iştirak edib və xanımına diplomunu şəxsən təqdim edib.

Mərasimdə çıxış edən Latifə əl Durubi təhsil həyatında ona dəstək olan həyat yoldaşına minnətdarlığını bildirib:

"Elmə inanan və mənə ilk dəstəyi verən, həm qadın, həm həyat yoldaşı, həm də elm tələbəsi kimi yanımda olan cənab Prezident Əhməd Əl Şaraaya xüsusi təşəkkür edirəm. Əziz valideynlərim, dualarınız və razılığınız çətin anlarda mənə yol göstərən işıq oldu. Hər bir suriyalı ana, övladını itirib nəvələrini məktəbə göndərənlər, yolunu tamamlamayıb vətəni bizə əmanət edən hər bir şəhid, bu uğur sizindir, yalnızca sizin".

Telegramda izləyin