Sizə əhval-ruhiyyə bəxş edəcək 7 ən şən it cinsi

Bu cinslər insanların yanında yaşamaq, onlara məhəbbət və sadiqlik bəxş etmək üçün formalaşıb. Bu itlər əsl antidepresantdır.

Lent.az bu 7 it cinsini təqdim edir:

Bəzi it cinslərinə təbiət tərəfindən sahibini sevindirmək və onu depressiyadan çıxarmaq qabiliyyəti verilib. Baytarlıq elmləri doktoru Abel Qonsales izah edir ki, bir çox cinslər nəsillər boyu insanların yaxınlığında yaşamaq üçün formalaşıb və onlara sevgi ilə yanaşı, sədaqət bəxş edir. Baytar həkimlər qeyd edirlər ki, bu yeddi ən şən it cinsi ən depressiv günlərdə belə əhvalınızı qaldıra bilər.

1. Bişon-frize

Baytarlıq elmləri doktoru Nita Vasudevan onları "şən, mehriban və həmişə sizə təbəssüm bəxş etməyə hazır" kimi təsvir edir. Üstəlik, onların tükləri hipoallergen sayılır.

"Bişon-frize uşaqlarla, digər itlərlə və açığı, qarşısına çıxan hər kəslə yaxşı yola gedən şən və dostcanlı yoldaşdır", - deyə baytar həkim Nell Ostermaer bildirir.

2. Uippet

Bu şən it cinsi sizi yalnız gülümsətməklə qalmır, ürəkdən güldürə də bilər. "Qeyri-adi həssaslıq göstərən uippetlər qısamüddətli enerji partlayışları olan mehriban ev itləridir", doktor Qonsales bölüşür. "Onların sakit, zərif davranışları onları sakit ailələr üçün ideal edir və onlar sahibinə son dərəcə həssas yanaşırlar".

3. Kiçik Vandeya Basset-Qriffonu

Bu şən it cinsi Fransanın Vandeya bölgəsində dovşan və digər xırda heyvanları ovlamaq üçün yetişdirilib. "Onlar qruplarla ov etdiklərinə görə, çox diqqət və hərəkət tələb edən ailələr üçün yaxşı yoldaş ola bilərlər", - doktor Ostermaer izah edir. "Ailə olmadıqda darıxa və dağıdıcı davrana bilərlər. Amma ailə ilə onlar çox mehriban və sadiqdirlər".

4. Uels Korgi Pembrok

Korgilər zehni stimulyasiyanı sevir, özünə güvənən sahiblərlə əla yola gedir və kiçik məkanlara fərdilik qata bilirlər. Ancaq, doktor Qonsalesin dediyinə görə, onlar çox tökülürlər. "Əgər düzgün öyrədilməsələr, kiçik uşaqların arxasınca qaçaraq onları ‘ovlaya’ bilərlər", - deyə doktor Ostermaer əlavə edir.

5. Staffordşir bulteryer

Doktor Qonsales qeyd edir ki, mehriban xarakterinə görə staffordşir teriyerləri "dayə it" ləqəbini qazanıb.

"Staffordşir teriyerləri mehriban, emosional cəhətdən həssas və dəyişikliklərə daim hazırdırlar", – deyə Qonsales vurğulayır.

6. Boston-teryer

"Dostcanlı, bir az qəribə və cizgi filmi qəhrəmanları kimi quruluşlu boston-teryerlər əsl komikdirlər", - deyə doktor Qonsales bildirir. "Onlar kiçik ölçülü, asan uyğunlaşan və sevgi dolu qayğı ilə dolu evlərdə özlərini əla hiss edirlər". Doktor Qonsales həmçinin boston-teryer sahiblərinə xatırladır ki, bu cins brakiosefalikdir. İsti günlərdə onları çox yükləməmək lazımdır: gəzintiləri azaldın, qabını su ilə doldurun və kondisioneri açın.

7. Havana Bişonu

Şən, mehriban və həmişə sahibinə xoş gəlmək istəyən Havana bişonu əsl "ünsiyyət kəpənəyi"dir, - deyə doktor Vasudevan qeyd edir. "Əsas odur ki, onlar diqqət mərkəzində olsun. Onların şən və mehriban təbiətini nəzərə alsaq, bunu təmin etmək çətin deyil".

Telegramda izləyin