Yaponiyada rekord: 100 yaşdan yuxarı insanların sayı 100 minə yaxınlaşdı

Yaponiyada 100 yaşdan yuxarı insanların sayı ardıcıl 55 il ərzində artaraq 2024-cü ildə 99 min 763 nəfərə çatıb. Bu göstərici ölkə üçün yeni rekord hesab olunur.

Qaynarinfo xəbər verir ki, Yaponiya Səhiyyə, Əmək və Rifah nazirliyinin məlumatına görə, ötən ilə nisbətən 4 min 644 nəfər artım qeydə alınıb. Asrlık insanların təxminən 88 faizini qadınlar – 87 min 784 nəfər təşkil edir. 100 yaşını aşan kişilərin sayı isə 11 min 979 nəfərlə ümumi rəqəmin 12 faizinə bərabərdir.

Hər 100 min nəfərə düşən 100 yaşdan yuxarı insan göstəricisində Shimane prefekturası 168,69 nəfərlə artıq 13 ildir ki, ölkədə birinciliyi qoruyur. Ümumi göstərici isə 80,58 nəfərdir. 2024-cü ildə Yaponiyada orta ömür uzunluğu qadınlarda 87,13, kişilərdə isə 81,09 il təşkil edib.

Son rəsmi məlumata görə, ölkənin ən yaşlı sakini Nara prefekturasında yaşayan 114 yaşlı Şigeko Kaqava olub. Ən yaşlı kişi isə Şizuoka prefekturasında yaşayan 111 yaşlı Kyotaka Mizuno kimi qeydə alınıb.

Yaponiya hökuməti bu məlumatları 1963-cü ildən etibarən toplayır. Həmin il ölkədə cəmi 153 nəfər 100 yaşını aşmışdı. Bu rəqəm 1981-ci ildə minə, 1998-ci ildə isə 10 minə yüksəlib.

Telegramda izləyin