Sarımsağın gələn yayadək xarab olmadan saxlanması üçün SADƏ SİRR

Bir çox evdar qadınlar yaxşı bilirlər ki, sarımsağın yığımından cəmi bir neçə ay sonra cücərməsi və ya çürüməsi necə üzücüdür.

Lent.az-ın xarici mediaya istinadla xəbərinə görə, sadə bir üsul var ki, onun sayəsində bu ətirli tərəvəz gələn yayadək təzə qala bilər və bunun üçün nə mürəkkəb şərait, nə də soyuducu tələb olunur.

Saxlama üçün sarımsağın seçilməsi

Uzun müddətli saxlama üçün yalnız quru və sağlam sarımsaq yararlıdır.

Dişlərin bütöv, zədəsiz və ləkəsiz olması vacibdir. Ən yaxşısı qalın qabıqlı sortları seçməkdir, çünki onlar uzunmüddətli saxlamaya daha dözümlüdür.

Yağışsız hava

Təcrübəli bağbanlar payızda yağışlı havada sarımsağı yığmamağı məsləhət görürlər. Əgər yağışlar kəsilmirsə və toplamaq məcburidirsə, onda sarımsaq mütləq dezinfeksiyaedici məhlulla işlənməlidir.

Saxlamağa hazırlıq

Kəsilmiş gövdə və kökləri dərhal çıxarmayın onlar dişləri qurumaqdan qoruyur. Sarımsağı quru və havalanan yerdə asmaq, yaxud hörüb saxlamaq olar.

Vacibdir! Sarımsağı qızmar havada açıq günəş altında qurutmayın, çünki məhsulun yarısını itirmək olar.

Optimal şərait

Ən yaxşısı qaranlıq, sərin və quru yerdə saxlamaqdır. Temperatur 0 ilə 5 dərəcə arasında dəyişməlidir. Havanın rütubəti 60%-dən çox olmamalıdır, əks halda sarımsaq çürüyə bilər. Payızlıq sortlar üçün ideal temperatur 0–4 dərəcə, yazlıq sortlar üçün isə +16–20 dərəcədir.

Alternativ üsullar

Kağız paketlər və ya qutular. Sarımsağı hava keçirən kağız qablaşdırmaya qoyub sərin yerdə saxlamaq olar.

Qurutma və dondurma. Əgər asmaq mümkün deyilsə, sarımsağı qurudub təmizləyərək dondurmaq olar. O, həm dadını, həm də ətirini saxlayır.

Yağ və ya sirkə. Doğranmış sarımsağı yağda və ya sirkədə saxlamaq olar, lakin bu üsulla hazırlanan məhsul yalnız bir neçə ay ərzində yeməyə uyğundur.

Təcrübəli bağbanların sirri

Sarımsağı əvvəlcə axar suyun altında yuyun ki, torpaqla birlikdə bakteriyalar və göbələk sporları da təmizlənsin.

Xüsusi məhlul hazırlayın - 10 litr suya 1-2 qram manqan əlavə edin. Hər baş sarımsağı bu məhlula 15 dəqiqə batırmaq lazımdır. Sonra qurudulma mərhələsi gəlir. Əvvəlcə səhər günəşi altında 6 saatdan çox olmayaraq, temperatur 27–30 dərəcədən yüksək olmamalıdır. Sonra sarımsağı 5-7 gün kölgədə saxlayın. Ardınca isə 10-14 gün havalanan yerdə saxlamaq lazımdır.

Nələri yadınızda saxlamalısınız

Sarımsaq nə birbaşa günəşi, nə də artıq nəmliyi sevir. Ehtiyatınızı mütəmadi yoxlayın və zədələnmiş dişləri ayırın ki, çürük yayılmasın. Sadə üsul və düzgün şərait sayəsində sarımsaq gələn yayadək təzə və ətirli qalacaq. Yeməkləriniz dadlı olacaq, məhsul itkisi isə minimuma enəcək.

Telegramda izləyin