Bu gün Yer kürəsi Günəş plazma axınının təsirindən çıxacaq: Nə baş verəcək?

Bu günün sonuna qədər Yer kürəsi tac dəliyinin təsirindən çıxacaq.

Oxu.Az-ın xəbərinə görə, bu barədə Rusiya Elmlər Akademiyasının Kosmik Tədqiqatlar İnstitutunun Günəş Astronomiyası Laboratoriyasının rəsmi "Telegram" kanalında məlumat verilib.

Tədqiqatçılar əmindirlər ki, yaxın gələcəkdə maqnit qasırğalarının baş verməsi ehtimalı azdır.

"Hesablamalara görə, bu gün (18 sentyabr) planetin Günəşdə əmələ gələn böyük tac dəliyindən ayrılan plazma axınında olacağı son gündür", - deyə məlumatda bildirilib.

Ekspertlər qeyd ediblər ki, geomaqnit dalğalanmaları ehtimalı bu gün də qalır, lakin sabah bütün risklər aradan qalxacaq. Yaxın gələcəkdə yeni maqnit qasırğaları gözlənilmir.

Telegramda izləyin