Marketdə pişiyin açıq şəkildə satılan zeytunu yaladığı görüntülər narazılıq doğurdu

Bursanın Yıldırım rayonunun Yediselviler məhəlləsində yerləşən bir marketdə çəkilən görüntülər sosial şəbəkədə müzakirələrə səbəb olub.

Sonxeber.az türk mediasına istinadən xəbər verir ki, kadrlarda pişiyin açıq halda satılan zeytunlərin üzərinə çıxaraq onları yaladığı əks olunub.

Görüntülər sosial mediada paylaşıldıqdan sonra istifadəçilər tərəfindən sərt reaksiya ilə qarşılanıb. Məsələ ictimaiyyət arasında "sanitar qaydaların kobud şəkildə pozulması" kimi dəyərləndirilib.

Vətəndaşlar bunun insan sağlamlığı üçün ciddi təhlükə yaratdığını bildirərək aidiyyəti qurumları nəzarəti gücləndirməyə çağırıblar. Sosial mediada isə, "Türkiyədə heyvansevərlik belə məntiqsizliklə müşayiət olunur" kimi şərhlər yazılıb.

Telegramda izləyin