Ata-oğul münaqişəsi faciə ilə nəticələndi: Oğul atasının boğazını kəsərək öldürdü

Türkiyədə, Sultangazi rayonunda 29 yaşlı Burhan Güneşli atası, 54 yaşlı Nuri Güneşlinin boğazını kəsərək öldürüb.

Sonxeber.az türk mediiasına istinadən xəbər verir ki, hadisə dünən Cebeci qəsəbəsində, 4 mərtəbəli binanın 3-cü mərtəbəsində yerləşən mənzildə səhər saatlarında baş verib.

Məlumata görə, ata Nuri Güneşli və oğlu Burhan Güneşli gecə saatlarında mübahisə etməyə başlayıb. Qısa zamanda dava şəklini alan münaqişə zamanı Burhan Güneşli atasının boğazını kəsib.

Burhan Güneşli polisə zəng edərək atasını bıçakladığını bildirib. Hadisə yerinə səhiyyə və polis qrupları cəlb olunub. İlk tibbi yoxlamalarda Nuri Güneşlinin həyatını itirdiyi müəyyən edilib, Burhan Güneşli isə polis tərəfindən saxlanılıb.

Hadisə ilə bağlı polis əməkdaşlarının apardığı istintaq davam edir.

Telegramda izləyin