Üç nəfər ovçu 7 il həbs cəzası aldı

Maleziya mərkəzli The Star qəzetinin məlumatına görə, Md Shaheezam Md Salim, Nazerin Tomiran və onun qardaşı Mohamad Nazrol, Johor əyalətinə bağlı Mersinq şəhərində bir yanacaq doldurma məntəqəsində avtomobillərinin baqajında ölü pələng tapılmasından sonra saxlanılıblar.

Sonxeber.az türk mediasına istinadən xəbər verir ki, məhkəmə, cinayətlərini etiraf edən üç şəxsə hər biri üçün 7 il həbs və təxminən 60 min ABŞ dolları məbləğində cərimə təyin edib.

Şübhəlilər sağlamlıq problemlərini əsas gətirərək cəza endirimi istəsələr də, məhkəmə cəzanın tam şəkildə icrasına qərar verib.

Maleziya Təbii Həyatı Mühafizə Qanununa əsasən, Maleziya pələngləri ölkədə tam qorunma altına alınmış növlər sırasındadır. Qanuna görə, qorunan heyvanları təbii yaşayış mühitindən ayıran şəxslər 15 ilə qədər həbs və yüksək məbləğdə cərimə ilə üzləşə bilər.

Telegramda izləyin