Tələbə təhsil haqqını ödəmək üçün pişik yemi yeyir, qanını satır

Çin tibb universitetinin məzunu İsveçrədə təhsil haqqını ödəmək üçün məcburən pişik yemi yeməli olduğunu bildirib.

Lent.az xarici mediaya istinadla xəbər verir ki, gənc Şanxayda işləyərkən 42 min dollar yığıb və doktorantura təhsili almaq üçün İsveçrəyə köçüb. Lakin yüksək yaşayış xərcləri və xarici tələbələr üçün işləmək qadağası ilə üzləşdiyindən, o, son dərəcə qənaətcil həyat tərzi seçmək məcburiyyətində qalıb.

"Mən bir çox tələbələrin maliyyə çətinlikləri səbəbindən təhsili yarımçıq qoyduqlarını gördüm. Mən bunun baş verməsinə imkan verməmək qərarına gəldim", – doktorant izah edib.

Pişik yemi ən ucuz protein mənbəyi kimi
Onun sözlərinə görə, o, pişik yeməyinin istifadəsinin faydasını hesablayıb. Gənc bildirib ki, məhsulun bir kiloqramı təxminən 5 dollara başa gəlir və 32 faiz zülal ehtiva edir ki, bu da onu ən ucuz protein mənbəyinə çevirir.

Qoxunu gizlətmək üçün qeyri-adi həll
"Qoxunu gizlətməyin ən yaxşı yolu onu fıstıqla yeməkdir", – o, öz təcrübəsini bölüşüb.

Bundan başqa, o, yeməyin saçlarına da, müsbət təsir etdiyini də qeyd edib. Bundan əlavə, doktorant mütəmadi olaraq qan verir və bunun qarşılığında bol yemək əldə edir.

Qanvermə onun üçün "Şved masasıdır"
"Əslində bu, şved masası kimidir. Mən həmişə qanverməni günorta yeməyinə planlaşdırıram, çünki o vaxt yemək daha çox olur", – o etiraf edib.

Telegramda izləyin