Çin 6-cı nəsil döyüş təyyarəsi ilə yeni test uçuşu keçirdi - VİDEO

Çinin 6-cı nəsil yeni döyüş təyyarəsinin görüntüləri dünya gündəmindən düşmür.

Sonxeber.az xarici mediaya istinadən xəbər verir ki, ilk test uçuşunu 26 dekabr 2024-cü ildə həyata keçirən Çin, yeni bir test uçuşu daha həyata keçirdi. Uçuş, təyyarənin istehsalçısı olduğu güman edilən Chengdu Təyyarə Şirkətinin mərkəzinin yerləşdiyi Sichuan əyalətinin paytaxtı Chengdu üzərində reallaşıb.

J-36-nın yeni test uçuşu analistləri təəccübləndirib, çünki ilkin uçuşun 2028-ci ilə yaxın bir tarixdə baş tutacağı gözlənilirdi. Bu sürətli irəliləyiş, ehtimal ki, əvvəllər açıqlanmamış hazırlıq işlərini də əhatə edən mühüm bir ön hazırlıqdan xəbər verir.

Müşahidəçilər təyyarənin ən müasir gizlilik və dayanıqlıq xüsusiyyətlərinə sahib ola biləcəyini bildirir. Lakin döyüş təyyarəsi hələ rəsmi olaraq təqdim edilməyib. Yeni nəsil təyyarənin ABŞ-ın F-35 və Rusiya istehsalı döyüş təyyarələrini texnoloji baxımdan geridə qoyduğu iddia olunur.

Həmçinin, təyyarənin hipersonik sürətlərə çıxa bildiyi və hətta kosmosa qədər yüksələ bildiyi qeyd edilib.

Təyyarənin ilk uçuşu Çin Xalq Respublikasının qurucusu Mao Zedong-un doğum gününə təsadüf edib. Bir çox Çinli bu uçuşu keçmiş liderə simbolik hörmət jesti kimi qiymətləndirib.

Telegramda izləyin