Paltaryuyan maşınınızı xilas edəcək 1 saniyəlik hərəkət

Yuma zamanı etdiyiniz səhvlər təkcə paltarlara deyil, həm də barabana zərər verir.

Lent.az xəbər verir ki, düzgün yükləmə həm paltarların keyfiyyətini qoruyur, həm də paltaryuyan maşının ömrünü uzadır.

Barabanın həddən artıq və ya az yüklənməsi həm maşına, həm də yumanın keyfiyyətinə mənfi təsir göstərir. Yuma öncəsi "10 saniyəlik test" etmək optimal yüklənməni təmin edir. Effektiv yuma və cihazın qorunması üçün paltar növünü, suyun sərtliyini və maşının tutumunu nəzərə almaq vacibdir bu, həm yuyucu vasitəyə, həm də vaxta qənaət etməyə kömək edir.

Mütəxəssislər xəbərdarlıq edirlər: hətta müasir paltaryuyan maşınlar da yanlış yüklənmə səbəbindən effektivliyini itirə bilər. Barabanın artıq yüklənməsi kimi xırda səhvlər yalnız yumanın keyfiyyətini pisləşdirmir, həm də cihazın özünə zərər verə bilər. Sadə yükləmə qaydalarına əməl etməklə paltarları yaxşı vəziyyətdə saxlamaq və paltaryuyan maşının ömrünü uzatmaq mümkündür.

Barabanın həddindən artıq doldurulması paltarların bir-birinə yapışmasına və sərbəst hərəkət edə bilməməsinə səbəb olur. Bu vəziyyət yuyucu vasitənin baraban daxilində düzgün dövr etməsinə mane olur, nəticədə paltarlar kifayət qədər təmizlənmir və üzərində toz və deterjan qalır. Bundan əlavə, artıq yükləmə barabana və mühərrikə zərər verə bilər ki, bu da baha başa gələn təmirlə nəticələnir.

Baraban elə dolu olmalıdır ki, üstünə əl salıb 90 dərəcə döndərmək mümkün olsun. Əgər bunu edə bilmirsinizsə paltaryuyan maşın artıq yüklənib. Məsələn, iri dəsmalları və xalatları kiçik geyimlərlə birlikdə yumaq daha məqsədəuyğundur bu, barabanda tarazlığı qoruyur və artıq titrəmənin qarşısını alır.

Su sərtliyi və tutum

Su sərtliyinə də diqqət yetirmək lazımdır:

Yumşaq su olan bölgələrdə daha az yuyucu vasitə istifadə olunur.

Sərt su olan yerlərdə isə əksinə, daha çox vasitə lazımdır, çünki əhəng qatı yumanın keyfiyyətini azalda bilər.

Paltaryuyan maşının tutumu da vacib amildir.

7 kiloqramlıq kiçik modellər kiçik ailələr üçün uyğundur və təxminən 35 köynəyi bir dəfəyə yumaq olar.

8 kiloqramlıq orta modellər çox ailələr üçün idealdır 40 köynəyi eyni vaxtda yumaq mümkündür.

9–12 kiloqramlıq iri modellər isə yorğan, yataq dəsti və çoxlu dəsmal kimi böyük yüklər üçün uyğundur. Bu maşınlar 4 ədəd iki nəfərlik yataq dəstini, 12 dəsmalı və ya 45 köynəyi bir dövrdə yuya bilər.

Az yükləmə də zərərlidir

Barabanın az yüklənməsi də problem yaradır paltaryuyan maşın çox səs sala bilər və suyu düzgün boşalda bilməz.

Ekspertin məsləhəti

"Tək bir iri parça məsələn, xalat və ya iri dəsmal yumağa qoymayın. Onlar çox su çəkir və yuma zamanı balansı pozur. Bunun əvəzinə bir neçə kiçik geyim əlavə edin ki, yük tarazlansın".

Telegramda izləyin