Yazıların süni intellektlə yazılıb-yazılmadığını yoxlamağın ən asan üsulu

Partnyordan gözlənilmədən romantik bir SMS almaq münasibətlərin yüksəlişdə olduğunu göstərə bilər. Lakin bir mesaj hər zaman səmimi duyğuların ifadəsi demək deyil. Süni intellekt əsaslı çat-botlar, xüsusilə ChatGPT, getdikcə daha çox populyarlıq qazanır və bir çox insan şəxsi yazışmalarda belə, onlardan istifadə edir.

Bu barədə Lent.az xarici mediaya istinadla xəbər verir.

Sosial şəbəkələrdə onlarla istifadəçi etiraf edib ki, onlar həm təsadüfi simpatiyalar, həm də uzunmüddətli romantik münasibətlər üçün mesajların hazırlanmasında süni intellektdən istifadə edirlər.ə

Süni şəkildə yaradılmış mesajlar çox inandırıcı görünə bilsə də, mütəxəssislər izah edirlər ki, AI tərəfindən yazılmış mətnləri tanımaq üçün bir neçə sadə əlamət var.

Dil üzrə tədqiqatçı və yazıçı Naomi Olderman məsləhət görür ki, diqqəti mesajın məzmununa deyil, sözlərin bir-biri ilə necə işlədiyinə yönəldin.

Mütəxəssislər AI tərəfindən yaradılan mesajların 7 əsas əlamətini fərqləndirirlər:

Həddindən artıq düzgün forma

AI çox vaxt "neytral, mehriban və peşəkarcasına nəzakətli" üslub formalaşdırır. Modelin məqsədi yardımçı olmaq olduğuna görə, nəticədə mətnlər fərdi səs tonundan məhrum, çox bənzər səslənir. Olderman deyir: "Hətta siz süni intellektdən iti və ya sarkastik olmağı xahiş etsəniz belə, çox vaxt bu stil süni və şişirdilmiş hiss olunur".

Sözlər yerindədir, amma məna azalır

Cümlələr qrammatik cəhətdən düzgün görünsə də, onları diqqətlə oxuyanda mənanın itməsi mümkündür. Sosial şəbəkə istifadəçiləri zarafatla deyirlər ki, bəzən onların mesajlarında təsadüfən AI cavabının hissələri qalır.

Ayrı-ayrı sözlərin uyğun gəlməməsi

Bəzən ümumi məna doğru olsa da, bəzi sözlər yerinə düşmür, sanki sadə ifadə sinonimlə əvəzlənib, amma nəticədə təbii səslənmir. Olderman bunu sitkomlardakı səhnələrlə müqayisə edir, harada sadə ifadəni daha mürəkkəb sözlə əvəzləmək gülməli dərəcədə qəribə nəticə verir.

Heç kimin səsli deməyəcəyi cümlələr

Sadə test: mesajı ucadan oxuyun və ya sevgilinizin onu səsli dediyini təsəvvür edin. Əgər səslənməsi təbii deyil və ya "çox məşq olunmuş" təsiri bağışlayırsa, bu, AI yazısıdır.

Şəxsi baxış bucağının olmaması

İnsanın yazdığı mətndə adətən hiss olunur ki, o, müəyyən emosiyadan və ya mövqedən çıxış edir. AI isə çox vaxt neytral, şəxsiyyətsiz ifadələr yaradır — sanki bürokratik sənəddən çıxıb.

Zəif üslub

Bəzən AI yazını "gözəlləşdirmək" üçün istifadə olunsa da, nəticə ritmsiz və "düz" görünür. Bu xüsusilə poetik və ya emosional mesajlarda nəzərə çarpır.

Digər AI ilə yoxlama

Əgər şübhəniz varsa, həmin mesajı ChatGPT və ya oxşar sistemə daxil edib soruşmaq olar: bu mətn AI tərəfindən yaradılıb, ya yox? Bu məqsədlə xüsusi onlayn alətlər də mövcuddur. Lakin yadda saxlamaq lazımdır ki, heç biri tam dəqiqliklə nəticə vermir.

Mütəxəssislər bildirirlər ki, AI-ya "insan kimi yaz" və ya "detektorlar üçün az tanınan et" tapşırığı verməklə bu izləri gizlətmək mümkündür. Amma çoxları bu addımı atmır.

Telegramda izləyin