Tramp söz verdi: Epşteynin ən yaxın silahdaşının əfv məsələsini nəzərdən keçirəcək

ABŞ Prezidenti Donald Tramp mərhum Cefri Epşteynin silahdaşı Hisleyn Maksvellin əfv edilməsi məsələsini nəzərdən keçirməyə söz verib. O bunu ölkə jurnalistlərinin müvafiq sualına cavabında bəyan edib.

Oxu.Az xəbər verir ki, bu barədə "Metro" nəşri yazıb.

"Mən çoxdandır bu adı eşitməmişəm. Deyə bilərəm ki, məsələyə baxmalı idim... Ədliyyə Nazirliyi ilə bu barədə danışaram... Məndən əfv olunmasını xahiş edən adam çoxdur. Sözün düzü, onun da bunu istədiyini bilməmişəm", - deyə Ag Evin başçısı etiraf edib.

Sözügedən britaniyalı xanımın vəkilləri iddia edirdilər ki, Hisleyn Maksvel yetkinlik yaşına çatmayanların seksual zorakılığa cəlb edilməsinə görə mühakimə olunmamalı idi, lakin Ali Məhkəmə onun apellyasiya şikayətini rədd etmişdi.

Telegramda izləyin